Procedim penal për drejtoreshën që ktheu shkollën në ambjent dasmash
Redaksia
Posted On 15/02/2019
Emisioni investigativ ‘Fiks Fare’ publikoi rastin e shpërdorimit të detyrës nga ana e një drejtoreshe shkolle në rrethin e Gramshit. Kundrejt çdo rregulli, drejtoresha ka kthyer shkollën në ambjent dasmash dhe ceremonish mortore për banorët e fshatit. Në përgjimet e emisionit, tregohet se si drejtoresha jepte urdhër për shkurtimin e orëve mësimore sa herë kishte raste të tilla në fshat.
Zyra Arsimore e Gramshit ngriti një komision për të marrë masa ndaj drejtoreshës. Materialet i kaluan Prokurorisë pranë Gjykatës së Shkallës së Parë Elbasan për veprime të mëtejshme.
Pas publikimit të pamjeve dhe reagimit të zyrës arsimore, drejtoresha e shkollës së mesme të përgjithshme në Gjergjovinë, është vendosur në hetim pasi akuzohet për shpërdorim detyre. 51-vjeçarja me inicialet I.B. po procedohet në gjendje të lirë. /k.j
Trending Now
Deklaratë për Shtyp
You may also like
Historiaime.al është një zë i pavarur në mbrojtje të të drejtave të njeriut. Ne raportojmë si për shkeljet e të drejtave të njeriut ashtu edhe për histori njerëzore që i promovojnë këto të drejta. Ky projekt synon të ndryshojë qëndrimet jo fort etike karshi të drejtave të njeriut nga ana e medias kombëtare si ajo e shkruar, ashtu edhe ajo vizive dhe media e re online.