Martesat e të njëjtit seks/ SHBA i paraprin një vendimi si i abortit
Isa Myzyraj
Posted On 20/07/2022
UASHINGTON – Dhoma e Përfaqësuesve miratoi të martën Ligjin për të kodifikuar martesat ligjore të të njëjtit seks në mbarë vendin, në nivel federal.
Ky vendim erdhi nga frika se shumica konservatore në Gjykatën e Lartë do të anulojë ligjin; pasi ajo përmbysi Roe kundër Wade muajin e kaluar, që kishte të bënte me çështjen e abortit.
Votimi ishte 267 pro, 157 kundër, me 47 republikanë që iu bashkuan një grupi unanim demokratik në mbështetje të legjislacionit.
Ligji do të sanksionojë martesën ligjore të të njëjtit seks për qëllimet e ligjit federal dhe do të shtojë mbrojtje ligjore për çiftet e martuara të të njëjtit seks.
Martesa e të njëjtit seks mbetet ligji në tuqi sipas vendimit 5-4 të Gjykatës së Lartë në Obergefell kundër Hodges në vitin 2015.
Por demokratët cituan një mendim nga gjyqtari Clarence Thomas, dhe i bënte thirrje gjykatës, e cila ka shtuar anëtarë të rinj konservatorë, të anulojë vendimin.
Kryetarja e dhomës së përfaqësuesve Nancy Pelosi tha se projektligji do të “përfshijë në ligj një liri themelore: të drejtën për t’u martuar me këdo që ju zgjidhni”.
“Ndërsa drejtësitë radikale dhe politikanët e krahut të djathtë vazhdojnë sulmin e tyre ndaj të drejtave tona themelore, demokratët besojnë se qeveria nuk ka vend midis jush dhe personit që doni,” tha ajo./ Historia Ime
Historiaime.al është një zë i pavarur në mbrojtje të të drejtave të njeriut. Ne raportojmë si për shkeljet e të drejtave të njeriut ashtu edhe për histori njerëzore që i promovojnë këto të drejta. Ky projekt synon të ndryshojë qëndrimet jo fort etike karshi të drejtave të njeriut nga ana e medias kombëtare si ajo e shkruar, ashtu edhe ajo vizive dhe media e re online.