Gejtë e qetë?

Koncepti për këtë artikull, erdhi  nga biseda me një vajzë sipërmarrëse shumë të dashur e mikpritëse në një diskutim mbi përfaqësimin e denjë dhe gjithëpërfshirës në zërin mediatik dhe atë të brendshëm të shoqërisë civile. Termi për ‘’quiet gays’’ mund të përkthehesh në shqip në shumë forma por le t’ia bëjmë vetes punën të thjeshtë kësaj here duke e përmendur si ‘’gejtë e qetë’’.
Gejtë e qetë janë individë që nuk rrinë konform stereotipeve tradicionale, por sjellin një alternative në mënyrën se si komunikojnë identitetin e tyre gjinor, orientimin seksual apo se si e shprehin gjininë. Në një shoqëri shpesh të karakterizuar nga shprehi pak të zhurmshme dhe goxha të zëshme, gejtë e qetë, si edhe nga emri i përkasin një diemnsioni më intim dhe privat.
Stereotipet mund të jenë kufizuese, dhe komuniteti LGBTQ+ nuk i ka të huaja. Përshembull ka një pritshmëri që që individët gej mund ti përkasin karakteristikave të caktuara të personalitetit, por, qejtë e qetë, njejtë si individët pak më ekstrovertë vijnë nga të gjitha llojet e shtigjeve të jetës. Mund të mos jenë konform nocioneve të paracaktuara të të qenurit gej duke sfiduar perceptimet e zakonshme për shprehjen natyrshme të vetvetes.
Në vetvete, edhe kjo lloj heshtjeje mbart një pushtet me anë të rezervave dhe të kursyerit të informacionit të tepërt për të tjerët. Kjo veti për të qenë privatë nuk e zbeh fuqinë që ata mbartin apo vërtetësinë e eksperiencave të tyre. Përkundrazi, kjo aftësi i pajis me një kurajo më kryelartë e mburojë më të hekurt.
Pikërisht ata, shpesh kontribuojnë në komunitete në mënyra të papërshkruara përmes përforcimit të mardhënieve me mardhënie të thella dhe kuptimplota. Natyra e tyre i ofron një sens të shtuar të empatisë, teksa janë të aftë të perceptojnë një botëkuptim më të gjerë të problemeve komplekse dhe rëndësinë e të pranuarit.
Padyshim që komuniteti jonë ka bërë hapa të mire drejt vizibilitetit dhe pranimit të gjerë publik, dhe patjer që më shumë duhet bërë. Kështu gejtë e qetë luajnë një rol shumë të rëndësishëm në ndërtimin e urave të komunikimit mes komunitetit LGBTQ+ dhe atyre që jo plotësisht mund të kuptojnë apo vlerësojnë diversitetin brënda tij.
Kjo aftësi për ta qasur botën dhe shoqërinë me paqe dhe autenticitet sfidon normat e zakonshme shoqërore. Në thelb të gjësë komuniteti LGBTQ+ është një celebrim i diversitetit, i dashurinë, i dashnisë.
Një rikujtesë që nuk ka një kallëp që i zë të gjithë.
Me të njohur dhe vlerësuar karakteret e ndryshme mund të krijojmë shtegun për një hapësirë njerëzore më pranuese dhe mirëkuptuese, pa frikëra e paragjykime.