Konkursi i fotografisë “Historia Ime”, grafitit në Tiranë, ndotja dhe diskriminimi përmes fotove

Megi Reçi nga qyteti i Tiranës merr pjesë në konkursin e fotografisë “Historia Ime” një disa fotografi mbi tematika sociale si ndotja e mjedisit, diskriminimi dhe grafitit në muret e Tiranës.

Ndotja në zonën e Tufinës në Tiranë:

Përshkrimi i fotografive:

Këto fotografi janë shkrepur disa ditë më parë në zonën e Tufinës në Tiranë, në lagjen e quajtur ‘Kafja e Rremës’. Ndotja në atë zonë është e paimagjinueshme dhe shumica e mbeturinave hidhen në lumë. E drejta për një mjedis të pastër dhe për një shëndet të mirë, u janë mohuar me kohë banorëve të kësaj zone. Cilësia e jetës dhe e shëndetit është e lidhur pa zgjidhshmërisht me ujin dhe mjedisin.

Varfëria në zonën e ish-Bllokut:

Kjo fotografi është shkrepur në zonën e ish-bllokut, në një orar të vonë të natës. Gruaja ishte e vetme me fëmijën në krah dhe vendi nuk ishte një stacion autobusësh, ishte thjesht një bordurë. As orari nuk ishte orar autobusësh. Mua fatkeqësisht më dha përshtypjen e një gruaje të braktisur e të pambrojtur.

Grafitit me përmbajtje seksiste në Tiranë:

Kjo fotografi është shkrepur tek Piramida. Në foto jam unë duke fotografuar grafitit dhe shkrimet diskriminuese dhe seksiste ndaj femrave për një projekt për të cilin kam punuar.

Grafiti në Tiranë “Family”:

Fotoja e fundit është pozitive, nuk ka përmbajtje diskriminuese në fakt. Është shkëputur tek piramida. Tregon llojet e ndryshme të familjes, duke përfshirë edhe familje me prindër të së njëjtës gjini. Megjithëse nuk ka diskriminim, më pëlqeu dhe mendova ta ndaja në kuadër të promovimit të të drejtave LGBTI.

Konkursi i Fotografisë do të qëndrojë i hapur deri më datë 30 nëntor 2017. Kliko këtu për të mësuar më shumë si mund të bëhesh pjesë!

/l.k./