Ditën e djeshme, në tregun e rrobave të përdorura pranë spitalit nr. 5, një grup pune nga Drejtoria e përgjithshme e Tatimeve, i konfiskoi mallin disa tregtarëve me pretekstin se ata nuk figurojnë të regjistruar si biznese pranë Zyrës Kombëtare të Regjistrimit. Në këtë treg, pjesa më e madhe e shitësve janë nga komuniteti rom dhe egjiptian.
Kjo ka bërë që tregtarët të protestojnë përpara Bashkisë së Tiranës për të gjetur një zgjidhje. Ata kërkuan nga bashkia që të cilësohen si tregtarë ambulantë, pasi nuk mund të përballojnë shpenzimet nëqoftëse regjistrohen si biznese të mirëfillta dhe të pajisen me kasë fiskale.
Tregtarët thonë se kanë rreth 20 vite që vijojnë aktivitetin e tyre pa paguar taksa për bashkinë, por vetëm qera tek pronari i tokës ku ndodhet tregu. Ata shprehen se kanë shkuar në QKR për t’u regjistruar dhe nga ata i kanë përcjellë për tek bashkia. Ndërkohë bashkia ka kërkuar të kundërtën.
Por përveç bashkisë, grupi i aktivistëve Rom dhe Egjiptian, i ka drejtuar tregtarët për tek Avokati i Popullit. Ky i fundit ngriti një grup pune për të dëgjuar ankesat e tyre.
Tregtarët janë shprehur se do të vazhdojnë të protestojnë derisa të lirohet tregu, sepse tregu është i vetmi burim të ardhurash.
Tregtarët e rrobave të përdorura përpara Bashkisë
Aktivistët Rom dhe Egjiptian si dhe tregtarët e rrobave të përdorura me Avokatin e Popullit, Igli Totozani
Tregtarët e rrobave të përdorura përpara Bashkisë
Trending Now
Deklaratë për Shtyp
You may also like
Historiaime.al është një zë i pavarur në mbrojtje të të drejtave të njeriut. Ne raportojmë si për shkeljet e të drejtave të njeriut ashtu edhe për histori njerëzore që i promovojnë këto të drejta. Ky projekt synon të ndryshojë qëndrimet jo fort etike karshi të drejtave të njeriut nga ana e medias kombëtare si ajo e shkruar, ashtu edhe ajo vizive dhe media e re online.