Fytyrat e aktivisteve për të drejtat e njeriut, për herë të parë në dollarin amerikan

Monedhat amerikane do të përfshihen në ndryshimet më rrenjësore dhe gjithëpërfshirëse që kanë patur ndonjëherë. Për herë të parë, gra, udhëheqëse të të drejtave të njeriut do të zëvendësojnë fytyrat e presidentëve amerikanë.

Ndryshimin më të madh do ta pësojë kartëmonedha 20 dollarëshe ku në vend të ish-presidentit Andrew Jackson, do të vendoset aktivistja e të drejtave civile Harriet Tubman.

Tubman, një grua me ngjyrë që u arratis nga të qenurit skllave në vitet 1820 dhe u kthye në luftëtare për lirinë e skllevërve duke shpëtuar qindra prej tyre, do të zëvendsësojë ish-presidentin Jackson që vinte nga një familje skllavopronare dhe u bë i njohur për politikat e tij që çuan në vdekjen e panumërta të amerikanëve vendas. Harriet Tubman do të bëhet kështu gruaja e parë afro-amerikane në një kartmonedhë dollari.

Ndryshime do të pësojnë edhe kartmonedhat 5$ dhe 10$. Në pjesën e pasme të 10 dollarëshes do të ketë imazhe të pesë lidereve femra të lëvizjes së famshme për të drejtën e votës së grave në Amerikë. Ndërsa në kartmonedhën 5 dollarëshe do të shtohen imazhet e ish-zonjës së parë Eleanor Roosvelt dhe Martin Luther King.

Debati ka nisur në qershor të këtij viti kur Presidenti Obama mori një letër nga një vajzë që kritikonte mungesën e figurave femërore në kartmonedhat amerikane. /m.g