Foto- reportazh/ Gomonet e refugjatëve shndërrohen në çanta shpine

Një barkë me migrantë duke iu afruar ishullit grek të Lesbosit.Përveç numrit të madh të njerëzve, Lesbos po përpiqet që të përballet edhe me gomat e gomoneve të shkatërruara.

2. Anijet e gomës dhe jelekët e shpëtimit shkatërrohen kur refugjatët arrijnë në ishull, mbetje të tyre mund të gjenden gjithkund njëpër plazh.

3.Në kampin e refugjatëve në Moria, materiali i mbledhur nga anijet e gomës është prerë me përmasa të caktuara. Lesbos mund të jetë fundi i rrugës për disa prej emigrantëve në kamp, por dy vajza të reja holandeze kanë dalë me një ide për të ricikluar mbetjet e kësaj krize dhe për t’i inspiruar migrantët e rinj

4.Fillimisht, një vullnetar tregon se si përdoret ky material. Kjo ishte hera e parë për shumicën e emigrantëve të rinj që punojnë me mjete e materiale të tilla.

5.Raida Matar, 13 vjeçare, një refugjate nga Iraku, ishte e impresionuar nga fuqia e krijueses holandeze, Floor Nagler, 24 vjeçare.

6.Floor, një studente 24 vjeçare është udhëheqëse e punëtorisë që i mëson emigrantët se si t’i punojnë këto çanta nga materiali i barkave. Këtë projekt ajo po e realizon bashkë me shoqen e saj, Didi Aaslund.

7.Floor i udhëzon emigrantët se si t’i punojnë këto çanta.

8.Didi Aaslund, një vullnetare holandeze, ka ndihmuar me dizajnin e çantave. Bashkë me Floor, ajo e udhëheqë këtë projekt, si dhe trajnimet. Ajo po i tregon rripat e krijuar nga materiali i huazuar i gomoneve dhe jelekëve të shpëtimit.

9.Sapo të rregullohen rripat, mbetet vetëm mbyllja e kopsave.

10.Raida, 13 vjeçare, tani është e pajisur për rrugëtimin e saj të mëtutjeshëm, me një çantë të saj. Nagler thotë se “fëmijët janë shumë të lumtur kur krijojnë diçka vetë, ata ndihen të fuqishëm…”.