Kryetari Bashkiak polak vritet në skenë gjatë aktivitetit të bamirësisë

Sipas burimeve nga Ministria e Shëndetësisë, kryetari bashkiak i Gdansk, Poloni, një politikan liberal dhe kritik i qeverisë populiste,  u largua nga jeta të hënën pasi u qëllua për vdekje me thikë gjatë një aktiviteti publik. Kryetari ishte duke marrë pjesë në një koncert për bamirësi.

Kryetari Pawel Adamowicz, 53 vjeçar, ishte kryetari i qytetit verior me port detar që prej vitit 1998. Kryetari njihej për mbështetjen e tij ndaj të drejtave të komunitetit LGBT+ si dhe ka zhvilluar fushatë për mbështetjen e të drejtave të emigrantëve në një vend si Polonia ku mbizotëron retorika ksenofobe.

Sulmi shokoi mbarë vendin, i cili po përçahet gjithnjë e më shumë politikisht. Me dhjetëra mijëra qytetarë polakë iu bashkuan tubimit në vend gjatë mbrëmjes së të hënës për të dënuar dhunën dhe gjuhën e urrejtjes. Oficerë policorë u shprehën se agresori u arrestua gjatë skenës së krimit. Sipas ekspertizës mjeko-ligjore, bëhet fjalë për një 27 vjeçar me probleme mendore por pa ndonjë qëndrim politik radikal.

Sulmi ndodhi në eventin më të madh për bamirësinë në vend që zhvillohet për të mbledhur para për pajisjet mjekësore. Sulmi ndodhi në orën 8 të darkës të dielën ku me dhjetëra mijëra persona ishin mbledhur për të ndjekur koncertin bamirës.

Pas sulmit, policia arrestoi një burrë që i ka kërcënuar në Twitter dy kryetarë bashkiakë të tjerë në Poloni, në qytetet Wroclaw dhe Poznan. Zgjedhjet e fundit kanë treguar se ka një përçarje të thelluar politike midis votuesve në zonat rurale dhe qytetet e vogla që mbështesin qeverinë si dhe mbështetësit në qytete më të mëdha që e kundërshtojnë qeverinë.

Përpara zgjedhjeve lokale të zhvilluara tetorin e kaluar, All-Polish Youth, një organizatë e krahut të djathtë, lëshoi certifikata fallso të vdekjeve të 11 politikanëve liberalë, duke përfshirë këtu kryetarin Adamowicz. Zyra e prokurorit ka refuzuar të zhvillojë investigimin e këtij akti, duke e cilësuar si ekzekutim të lirisë së fjalës, dhe jo si nxitje të urrejtjes./k.m/

Burimi: New York Times