Si të trashëgosh një fobi?!

Mund të jetë pak vonë për të bërë një koment mbi të, por realiteti nganjëherë godet me takat.

Me 1 shkurt, në emisionin ‘’Scroll’’ nga Arian Çani të ftuar 4 burra dhe Luana Myrto studente e shkencave politike, dhe femër transgjinore vendosën të flasin për politika, filozofi dhe gjini. Për çka shumë mirë bënë, se fundja kemi nevojë edhe për ca të tilla. Problemi që do të shtrojmë më poshtë lidhet me disa deklarata pikërisht në këtë emision, që lidhen anasjelltasi me keqkomunikimin dhe përshkrimin e çthurur të komunitetit LGBTQ+ në media.

Fraza të tilla si ‘’LGBTQI+ trrrrri’’, ‘’Përfshirjen tënde në politikë si qytetar normal’’(drejtuar vajzës, ndërkohë, çfarë ka anormale këtu?), ‘’E zgjodhe vetë që doje të bëheshe grua, apo thjesht nuk të ngrefej?’’, ‘’Po sikur 30 vjeç të duash të kthehesh burrë?’’, ‘’Kristërat Pinderat që kanë vjedhur fonde’’, ‘’Njerëzit bëjnë mëkate dhe kamuflohen pas faktit që jam gej.’’, dhe të tilla si këto përveçse denigrojnë perceptimin publik për komunitetin LGBTQ+, me fjalët mëkat, jo-normal, etj… edhe krijojnë një përshtypje të një grupimi informal që nuk është i qëndrueshëm e i besueshëm.

Ndërkohë që e gjitha bëhet për DASHNI.

Në një situatë ku komuniteti LGBTQ+ konsiderohet si i margjinalizuar dhe i shtypur, nevoja për narrativë të drejtë është emergjente. Skupet mediatike janë lehtësisht të kapshme nga shumica e popullatës dhe lehtësisht të realizueshme. Vetëm duke përmendur emra specifikë të personave që kanë marrë barrën e gjykimit mbi shpatulla duke qenë publik e mediatik për kauzën e të drejtave të barabarta, integrimit në shoqëri apo njohjes së familjes.

Edhe të përmendurit fjalën ‘’komuniteti’’ është kthyer në një përgjithësim, diskutimi publik është transformuar në banal dhe sipërfaqsësor. Ky mos përcaktim qoftë LGBTQ+, komuniteti rom, egjiptian, komuniteti mysliman apo i krishterë në subkoshiencën e çdokujt lë përshtpyjen e një eksluziviteti të pakapshëm për ata që duan të eksperiementojnë me gjininë e seksualitetin e tyre.

Megjithatë, se kjo është luftë pa krye.

Në këtë panel ishte edhe profesor Shpend Gashi, lektor i gjeopolitikës në Universitetin e Tiranës, ndërkaq edhe pedagog i vajzës. Edhe pse duhet thënë që reagimet kundrejt saj ishin goxha pozitive, duke u mbështetur në qëndrimet e saj për komunitetin LGBTQ+ në Shqipëri, argumentat dhe ambiciet politike, edhe profesor Gashi mbante në xhep homo dhe transfobinë vetëm sepse e vlerësonte për mendjen dhe nuk e konsideronte për gjininë.

Ai thotë ‘’Më vjen për të vjellë kur shoh dy miq të miq të mij burrë e grua që puthen në tavolinë me mua e më vjen për të vjellë edhe më shumë kur shoh dy burra që puthen, dhe për më tepër kanë fëmijë, është e papranueshme’’.

Problemi së pari qëndron që profesor Shpendi ose ka problem, ose xhelozi me dashurinë. Dhe jo mbase me gjininë vetvetiu, prandaj ndoshta duhet rikonsideruar bezdia jote për ato që shprehin dashurinë prof.

POR ULËRET PROBLEMI QË PROFESORI KA NJË ROL EDUKUES, VEÇANËRISHT PËR POLITIKANËT E SË ARDHMES QË MËSOJNË NË AUDITORËT E UNIVERSITETIT TË TIRANËS. ME HOMOFOBINË AI PËRCJELL, NATYRSHËM QË STUDENTËT BINDEN NGA TEORIA E NJË PROFESORI, DHE SUPOZIMI QË INTELEKTI I TIJ MUND TË MIRRET PËR BAZË.

Duke edukuar këtë brez studentësh të shkencave politike, mbi koncepete krejt subjektive, nuk shihet ndonjë dritë fort e ndritshme për komunitetin LGBTQ+ në të ardhmen, nga vendimmarrja e supozuar e këtyre politikanëve që po edukohen sot.

Në trashëgimi të këtyre ideologjive, edhe vetë Luana, studente e Gashit e cila është aktiviste e të drejtave të personave trans, rrëfen që momentalisht është kundër fëmijëve të familjeve homoseksuale pasi mendon se do të jenë gjithmonë të gjykuar, me një gisht drejtuar tyre. Kjo narrativë vijon edhe drejt drejtuesve të organizatave LGBT për të cilët ajo proklamon se mbushin xhepat në kurriz të të lënit të personave LGBTQ+ injorantë.

Ne nuk po presim politika radikale e as liberale të menjëhershme, por pa dyshim që është e gabuar të lektorojë dikush që më shumë se fobi ka gjininë ka xhelozi dhe kompleks  ndaj dashurisë së tjerëve. Gjithashtu do donim të nxisnim mendimet e secilit prej jush që ka një pushtet publik e mediatik në fusha të ndryshme të jetës që kauzat e tyre mos ti ngrejnë duke ulur të të tjerëve, as duke shpifur për situata të paqena që nuk do të mbështeten kurrë në fakte.