Rrugë e gjatë kjo e tija…

Në seritë e quajtura ‘’Behind the Table’’ nga CNBC ku biznesmenë të sukseshëm rrëfejnë gjithçka se si arritën aty ku janë, Trevor Burgess ishte i rradhës. Shefi i kompanisë së sigurimeve me anë të Inteligjencës Artificiale.

“Nëse kjo do të ndihmojë brezin e ardhshëm të udhëheqësve t’ia dalin dhe të ndihen rehat duke qenë autentik, si fëmijët që janë në shkolla dhe po konsiderojnë karrierën në financë apo sipërmarrje, jam vërtet i lumtur,” thotë Burgess. “

Natyrisht, rrugëtimi i Burgess drejt suksesit si një njeri homoseksual hapur nuk ishte gjithmonë i lehtë. Në disa raste, “ishte thjesht një keqkuptim i padurueshëm,” thotë ai, veçanërisht si një bankier investimesh në fund të viteve ’90.

Burgess-it iu trash lëkura dhe fokusoi gjithë vëmendjen në punën e tij.

“Përfundimisht u bëra, mendoj, personi i parë hapur homoseksual i promovuar në drejtor të Morgan Stanley,” thotë Burgess, i cili kaloi një dekadë aty nga viti 1998 deri në 2008.

Por, sipas Burgess, korporatat amerikane dhe shoqëria kanë kaluar një rrugë të gjatë. “Tim Cook është hapur homoseksual, një nga CEO-të më të fuqishëm në botë. Nëse kujtojmë vitet ‘90, askush nuk do të kishte imaginuar atë si mundësi,” thotë ai.

U rrita me një nënë të vetme në Hanover, New Hampshire, ku ka më shumë lopë se njerëz, duke luajtur në pyll, gjithmonë mendoja, “duhet të ketë një botë më të gjerë, më të madhe atje. Isha një fëmijë i zgjuar, dhe kisha një nxitje për të bërë diçka që në fëmijëri. Fillova një biznes kartolinash kur isha në shkollë të mesme. Pastaj në kolegj , pata disa gjëra të ndryshme, një me bluza dhe një me një agjenci marketingu për udhëtime. Më pëlqente gjithmonë të provoja të bëja diçka më shumë. Mendoj se është sepse nuk kisha shumë para.’’

Kur zhvillon këto ndjenja si një 11, 12 ose 13-vjeçar, mund t’u vendoset një emër sot. Por në New Hampshire në fillim të viteve 1980, nuk ja kisha idenë. Nuk kisha asnjë model, asnjë në televizion. Asnjë Ellen. Asgjë. Nuk i voja dot as emër as e konceptoja dot.

Sigurisht që një nga arsyet që vendosa të jetoj një jetë shumë të vërtetë është edhe për të ndihmuar që brezat e ardhshëm të fëmijëve që po përballen me seksualitetin e tyre, të kenë modele dhe mund të shikojnë në historitë e njerëzve të ndryshëm.

U zhvendosa në Boston pas diplomimit. Si një 21-vjeçar shumë i zgjuar, bëra një eksperiment: Në gjysmën e aplikimeve për punë, nuk e përmenda faktin se isha president i grupit të studentëve homoseksualë. Në gjysmën tjetër, vendosa ta shkruaja. Mora vetëm një intervistë nga ato ku shkrova se isha president i grupit, dhe mora të gjitha intervistat nga ato ku nuk e përmenda.

Mora marrë punën te kompania që e kisha deklaruar, e quajtur Monitor, një firmë e konsultimeve strategjike e drejtuar nga një grup profesorësh të Harvard Business School. Ishte vërtet e rritëse të punoja në një kompani që në vitin 1994 ishte rehat me të pasturit në ekip një person hapur homoseksual.

Te Morgan Stanley, ishte një mjedis i vështirë në atë kohë, dhe ata vërtet kanë bërë një rrugë shumë të gjatë sot për të qenë këtu ku janë. Por kishte ngjarje të çuditshme me fyerje dhe diskriminim dhe klientë që shfaqnin urrejtje ndaj njerëzve homoseksualë dhe ndaj atyre që kanë AIDS.

Ka kaluar shumë kohë nga vitet’90 dhe pastaj gjërat filluan të ndryshonin pak.

Jeta nuk është gjithmonë e drejtë. Por suksesi është hakmarrja më e mirë. Nëse punoni shumë, mund të keni sukses dhe mund të bëni një ndryshim. Për mua te Morgan Stanley, ndjeva se nuk kishin alternativë përveç të më promovonin sepse isha shumë i mirë.

Por kjo ishte në thelb ishe ajo që më çoi të vendosja të bëhem një sipërmarrës. Doja vërtet të ndihmoja në formimin e një mjedisi të ndryshe ku njerëzit, qofshin ata homoseksualë, gra ose njerëz me ngjyrë, mund të ishin shumë më të vërtetë me veten e tyre.