Parada e Krenarisë 2024 – Një thirrje pë familjen

Parada e krenarisë sivjet besojmë të ketë qenë më e bereqetshmja ndër vite. Përtej shiut që nuk na u kursye, këtë vit kemi marrë më shumë mbështetje se asnjë vit më parë.

Në Bulevardin Dëshmorët e Kombit, marshimi i këtij viti shkoi para për familjen, familjen diverse, gjithëpërfshirëse, pranuese. Me të dedikuar ngjyrat familjes, si themeli i çdo shoqërie të shëndetshme, të qëndrueshëm ngahera në misionin tonë për barazi marshuam edhe këtë vit.  

Në thirrjen tonë publike drejtuar institucioneve, bizneseve dhe shoqërisë për pranim, integrim dhe të drejta të barabarta, ritheksuam nevojën që ky komunitet ka.

Edhe pse herë herë i bujshëm e herë herë i heshtur, duhet kuptuar që ajo çka shihet është vetëm imazhi i atyre që kanë gjetur guximin e kanë disa rrethana më të pjekura se të tjerët.

E organizuar nga organizatat në krah të komunitetit LGBT+ në Shqipëri, dhe e mbështetur nga ambasadorët dhe trupat diplomatike të ambasadave, ministrja e Shëndetësisë Albana Koçiu që për herë të parë iu bashkua Paradës së Krenarisë në këtë rol, Avokatja e Popullit Erinda Ballanca dhe komisioneri kundër Diskriminimit Robert Gajda, që kanë qenë përherë një krah i fortë mbështetës, dhe gjithë pjestarët e shoqërisë civie që na u bashkuan dje.

Kjo paradë mblodhi persona LGBT+ nga Rajoni, Shqipëria, ndërkombëtarë dhe aleatë në shenjë mbëshetje për betejën tonë ndaj njohjes së identetit, familjes dhe kujdesit të barabrtë shëndetësor kundrejt institucioneve.

Dhe më së rëndësishmi, si një brohoritje për të treguar rëndësinë e mbështetjes nga shoqëria dhe minimizimin e gjuhës së urrejtjes.

Parada e Krenarisë 2024 ishte një kujtim dhe gurthemel për vitet që do të na pasojnë. Ama, shpresojmë pa shi.