Një thirrje publike për të ndalur gjuhën e urrejtjes ndaj komunitetit LGBT+!

Duke marrë shkas nga ngjarjet e ditëve të fundit, rritja e retorikës diskriminuese dhe e gjuhës së
dëmshme ka arritur nivele shqetësuese, duke paraqitur një kërcënim të konsiderueshëm për
dinjitetin, sigurinë dhe mirëqenien e anëtarëve të komunitetit LGBTI+ dhe mbështetësve të tyre.
Ndaj ne, organizatat nënshkruese, solidarizohemi në thirrjen tonë për ndalimin e gjuhës së urrejtjes
në Shqipëri.
Gjuha e urrejtjes, në çdo formë, e nxitur nga kushdo, është një shkelje e të drejtave themelore të
njeriut dhe bie ndesh me vlerat themelore të barazisë, respektit dhe përfshirjes që Shqipëria aspiron
të mbrojë. Përdorimi i saj përjetëson diskriminimin, nxit dhunën dhe krijon një mjedis frike dhe
përjashtimi për personat LGBTI+ apo ndaj kujdo që përdoret. Kjo është e papranueshme në një
shoqëri që synon të mbrojë dhe promovojë të drejtat e të gjithë qytetarëve të saj, pavarësisht nga
orientimi i tyre seksual apo identiteti gjinor.
Përdorimi i gjuhës së urrejtjes minon strukturën bazë të shoqërisë duke nxitur ndarjen dhe
mostolerancën. Ndaj, kur pikëpamjet paragjykuese nxiten dhe lejohen të përhapen të
pakontrolluara, siç ka ndodhur së fundmi në vendin tonë, ato kontribuojnë në një kulturë
përjashtimi dhe armiqësie që prek të gjithë, dhe jo vetëm për komunitetin LGBTI+. Kjo përçarje
dobëson kohezionin social dhe pengon përparimin e një shoqërie që vlerëson diversitetin dhe
barazinë.
Për të parandaluar këtë, i bëjmë thirrje çdo individi të raportojë rastet e gjuhës së urrejtjes kundër
komunitetit LGBTI + apo kundër çdokujt tjetër që përdor gjuhën e urrejtjes, tek autoritetet
përkatëse. Duke raportuar këto padrejtësi, ne mund të mbajmë qëndrim kolektiv kundër
diskriminimit dhe të mbrojmë të drejtat e të gjithë qytetarëve.
Qytetarët munden gjithashtu të raportojne rastet e gjuhës së urrejtjes, diskriminimit dhe
dezinformimit në platformat e rrjeteve sociale dhe portalet mediatike, në platformën
www.isigurt.al.
Ne u bëjmë thirrje, autoriteteve të marrin masa të shpejta dhe efektive kundër autorëve të gjuhës
së urrejtjes për të garantuar përgjegjësi dhe për të parandaluar shkeljet e ardhshme.
Ne mund të krijojmë një Shqipëri më të sigurt, më gjithëpërfshirëse për të gjithë.

Kjo thirrje është nënshkruar nga:

1. Avokati i Popullit
2. Komisioneri për Mbrotjen nga
   Diskriminimi
3. Civil Rights Defenders
4. Aleanca LGBT
5. OMSA
6. Streha LGBT
7. ProLGBT
8. Shoqata e Grave Profesioniste,
   Afariste e Zejtare
9. Alice Taylor, gazetare
10. Qendra Vatra, Vlorë
11. Aleanca Gjinore për Zhvillim
12. Komiteti Shqiptar i Helsinkit
13. Qendra Europiane
14. Qendra ALTRI
15. Partners Albania
16. Roma Versitas Albania
17. Shërbimi Ligjor Falas Tiranë, TLAS
18. CRCA/ECPAT Shqipëri
19. Ambasada PINK
20. Koalicioni për Arsimin në Shqipëri
21. Shoqata “Unë, Gruaja”
22. Institutit për Kontratën Shoqërore
23. Rrjeti i Fuqizimit të Gruas në Shqipëri,
    AWEN
24. Citizens Channel
25. Linja Kombëtare e Telefonit për
    Fëmijë në Shqipëri – ALO 116111
26. Qendra për Nisma Ligjore e Qytetare
27. Qendra Act for Society
28. Fondacioni Shqiptar për të Drejtat e
    Personave me Aftësi të Kufizuara
29. Qendra Kombëtare për Shërbimet
    Komunitare
30. Community Reporters, Shqipëri
31. Instituti për Ndryshim dhe Lidership
    në Shqipëri
32. Albania Community Assist – ACA
33. Qendra per Drejtesi Gjinore
34. Shoqata Pertej Barrierave
35. Qendra Media dhe Cështjet
    Shoqërore
36. Shoqata Infinit +
37. Fondacioni “Së Bashku”
38. Shoqata Voice of Roma në Shqipëri
39. Qendra Burimore Kombëtare
    Shqiptare e Trajnimit dhe Asistencës
    Teknike—ANTTARC
40. Organizata për Ruajtjen dhe
    Mbrojtjen e Mjedisit Natyror në
    Shqipëri, PPNEA
41. Instituti për Aktivizëm dhe
    Ndryshim Social, IANS
42. Qendra TREJA
43. Qendra per Zhvillim Komunitar “Sot
    per te Ardhmen”
44. Qendra Rinore H.A.N.A
45. Grupi Shqiptar i të Drejtave të
    Njeriut