Afati përfundimtar: 6 Prill 2020
Njoftim për thirrje të hapur për organizatat e shoqërisë civile në Shkodër, Vlorë, Pogradec dhe Durrës, për projekt-propozime në ofrimin e shërbimeve për komunitetin LGBT dhe ideimin e implementimin e fushatave ndërgjegjësuese.
IREX Europe, Aleanca Kundër Diskriminimit LGBT dhe Pro LGBT kanë kënaqësinë të shpallin një thirrje të hapur për sub-grante me qëllim përmirësimin e jetës së komunitetit LGBT në Shqipëri duke përmirësuar aksesin e tyre në shërbime dhe mekanizmat mbështetës – posaçërisht për komunitetin LGBT jashtë Tiranës. Kjo thirrje është e vlefshme vetëm për organizatat e shoqërisë civile shqiptare me bazë dhe që punojnë në Rajonet e Shkodrës, Vlorës, Pogradecit dhe Durrësit.
Kjo thirrje e hapur është shpallur në kuadër të projektit “Promovimi i të Drejtave, Përfshirja, Dinjiteti dhe Barazia për LGBT në Shqipëri – Krenaria për LGBT në Shqipëri II, i njohur si PRIDE II. Projekti zbatohet nga IREX Europe, Aleanca LGBT dhe Pro LGBT dhe financohet nga Bashkimi Evropian.
Pride II synon të forcojë rolin e organizatave të shoqërisë civile në promovimin e pranimit, përfshirjes dhe mbrojtjes së minoritetit LGBT në Shqipërinë rurale dhe urbane, me një fokus të veçantë në mbrojtjen e të rinjve LGBT+ të margjinalizuar në rrezik, dhe promovimin e respektimit të të drejtave themelore të Komuniteti LGBTI+.
Ju lutemi gjeni bashkangjitur përshkrimin e plotë të thirrjes në dy LOT-e të ndryshme dhe Formularin e Aplikimit.
Ne inkurajojmë të gjitha OShC-të, të gatshme të zhvillojnë aftësitë e tyre për të mbështetur dhe siguruar shërbime për komunitetet LGBT lokale, dhe / ose që synojnë të rrisin ndërgjegjësimin në lidhje me çështjet që lidhen me LGBT.
Përfituesit e sub-granteve do të bashkohen gjithashtu në një rrjet të grupeve të interesit LGBT në nivel kombëtar dhe ndërkombëtar dhe do të marrin pjesë në një fushatë mbarëkombëtare të advokimit.
Nëse keni ndonjë pyetje, është e mundur të organizojmë një seancë online ku mund të përgjigjemi për pyetjet tuaja, nëse shprehni interesin tuaj ne e-mail-et e mësipërme para 25 Marsit.
Aplikimet duhet të dorëzohen në anglisht.
Thirrja e plotë në Anglisht dhe Formulari i aplikimit:
Trending Now
Historiaime.al është një zë i pavarur në mbrojtje të të drejtave të njeriut. Ne raportojmë si për shkeljet e të drejtave të njeriut ashtu edhe për histori njerëzore që i promovojnë këto të drejta. Ky projekt synon të ndryshojë qëndrimet jo fort etike karshi të drejtave të njeriut nga ana e medias kombëtare si ajo e shkruar, ashtu edhe ajo vizive dhe media e re online.