Suedia i shton fjalorit të saj një përemër gjinor neutral

Fjalori zyrtar i gjuhës suedeze do të prezantojë një përemër gjinor neutral në prill, kanë njoftuar redaktorët e Akademisë Suedeze.

“Hen” do ti shtohet “han” (ai) dhe “hon” (ajo), si një nga 13.000 fjalët e reja në edicionin e fundit të SAOL-it të Akademisë Suedeze.

Përemri përdoret për t’iu referuar një personi që nuk zbulon gjininë e tij – ose sepse është e panjohur, sepse personi është transgjinor, ose sepse folësi ose shkrimtari e konsideron që gjinia është informacion i tepërt.

“Për ata që e përdorin përemrin, është padyshim një forcë që tani është në fjalor,” i tha AFP-së të martën Sture Berg, një nga redaktorët.

Fjala “hen” është shpikur në vitet 1960 kur përdorimi i kudogjendur i “han” (ai) u bë politikisht jo korrekt, dhe kishte për qëllim thjeshtimin e gjuhës dhe shmangien e ngathët të “han / hon” (ai / ajo) në ndërtimin e fjalisë.

Por fjala në të vërtetë kurrë nuk u mor parasysh.

Ajo u rishfaq rreth vitit 2000, kur komuniteti i vogël transgjinor i vendit filloi ta përdorte, dhe përdorimi i saj është zgjeruar vitet e fundit.

Tani mund të gjendet në tekstet zyrtare, vendime të gjykatës, tekste të mediave dhe librave, dhe ka filluar të humbasë disa nga konotacionet e aktivistëve feministë.

Fjalori i Akademisë suedeze përditësohet çdo 10 vjet. Hyrjet e reja përcaktohen nga frekuenca dhe rëndësia e tyre.

Edicioni i ri do të dalë në shitje më 15 prill.

Marrë nga: www.theguardian.com