Qeveritari italian hyn në grevë urie për bashkëjetesat civile

Një anëtar i Qeverisë Italiane ka hyrë në grevë urie në mënyrë që të vendoset një datë për votimin mbi bashkëjetesat civile.

Ivan Scalfarotto shpalli grevën e tij të urisë të hënën, raporton Repubblica.

Nënsekretari për marrëdhëniet parlamentare mori masa drastike pasi mijëra amendamente janë paraqitur në një ligj për bashkëjetesën civile, në mënyrë që ta sabotojë atë, që do të thotë se do të duhet më shumë se koha e parashikuar për t’u lexuar.

Scalfarotto tha: “Duke filluar nga e hëna, do të pi vetëm dy kapuçino në ditë. Puna është që unë nuk mundesha më ta bëja një sy qorr, të vazhdoja të bëja punën time si zakonisht.”

Dhoma e Ulët në Itali muajin e kaluar për herë të parë miratoi një mocion i cili angazhon qeverinë që të promovojë miratimin e një ligji për bashkëjetesat civile për gejtë.

Kjo është hera e parë që një mocion i tillë është miratuar nga deputetët në Itali, pasi mocione të tjera janë refuzuar.

Mocioni, nga Partia Demokratike, i cili kaloi leximin e parë, angazhon qeverinë “që të nxitë miratimin e një ligji mbi bashkëjetesat civile, veçanërisht në lidhje me gjendjen e njerëzve të të njëjtit seks”.

Qeveria duhet gjithashtu “të sigurojë trajtim të barabartë nëpër gjithë vendin”.

Italia është përballur me propozime afatgjata për të formalizuar njohjen ligjore për çiftet bashkëjetuese të të njëjtës gjini, duke përfshirë kryeministrin Matteo Renzi dhe deri tek Ministri i Drejtësisë Andrea Orlando.

Renzi privatisht tha: “Bashkëjetesat civile nuk mund të shtyhen më.”/A.A./

/www.pinknews.co.uk