Politikani gej Jens Spahn është në garë për të pasuar kancelaren gjermane Angela Merkel në krye të partisë. Spahn, 38 vjeç, ka hedhur kandidaturën e tij për kreun e partisë së djathtë të Bashkimit Kristian Demokrat.
Angela Merkel planifikon të qëndrojë si kancelare deri në zgjedhjet e ardhshme të vitit 2021, pas 16 vjetësh në rolin e kryetares së shtetit. Ajo vendosi të dorëhiqet nga posti i kryetares së partisë dhe të nisë procesin zgjedhor gjatë dhjetorit, për të përgatitur partinë dhe vendin për largimin e saj.
Spahn, i cili ka shërbyer në kabinetin e Merkelit si ministër i Shëndetësisë që nga marsi 2018, ka shpallur kandidaturën e tij për t’u bërë udhëheqës i CDU. Ai do të përballet me Annegret Kramp-Karrenbauer dhe Friedrich Merz në garë. Ligjvënësi i krahut të djathtë, i cili doli hapur si gej në vitin 2012, u martua me partnerin Daniel Funke në dhjetor të 2017-ës, vetëm disa muaj pasi martesa e të njëjtit seks u lejua në vend.
Nëse do të zgjidhet, ai do të bëhet udhëheqësi i parë homoseksual i CDU, por jo udhëheqësi i parë politik i Gjermanisë. Partia e ekstremit të djathtë Alternative für Deutschland tashmë është udhëhequr në Bundestag nga Alice Weidel, e cila është lezbike, por e distancuar nga komuniteti dhe politikat pro-LGBT për shkak të pikëpamjeve të saj anti-emigracion.
Dhe pse për shumë duket një kandidaturë shpresëdhënëse, jo të gjithë janë të bindur se kandidatura e Spahn do të ketë sukses. Helmut Metzner i Federatës Lezbike dhe Gay në Gjermani tha për Reuters: “Unë nuk mendoj se kjo parti konservatore është e gatshme të paraqesë një kancelar homoseksual ose kryetar partie”.
CDU është ende e ndarë në pikëpamjet dhe qëndrimet e saj për çështjet LGBT +. Ndarjet brenda partisë u bënë të dukshme këtë javë, kur ministrja e arsimit të CDU-së Anja Karliczek u përball me një reagim të ashpër për komentet diskriminuese rreth martesës së të njëjtit seks dhe prindërve LGBT. Gjatë votimit të ligjit për legalizimin e martesave të të njëjtit seks, pjesa më e madhe e votave kundër këtij ligji, vinin gjithashtu nga ligjvënës së CDU./k.j
Historiaime.al është një zë i pavarur në mbrojtje të të drejtave të njeriut. Ne raportojmë si për shkeljet e të drejtave të njeriut ashtu edhe për histori njerëzore që i promovojnë këto të drejta. Ky projekt synon të ndryshojë qëndrimet jo fort etike karshi të drejtave të njeriut nga ana e medias kombëtare si ajo e shkruar, ashtu edhe ajo vizive dhe media e re online.