OKB miraton rezolutë për mbrojtjen e të drejtave të sportisteve interseks

Këshilli i Kombeve të Bashkuara për të Drejtat e Njeriut miratoi ditën e sotme rezolutën e tij të parë mbi të drejtat e sportisteve pjesë e komunitetit interseks në lidhje me praktikat diskriminuese në sport.

Gratë me variacion të karakteristikave seksuale u nënshtrohen procedurave të panevojshme, poshtëruese, të pakthyeshme dhe të dëmshme mjekësore me qëllim që të marrin pjesë si gra në garat sportive.

Rregullat për klasifikimin e atleteve dhe sportisteve gra dhe vajza, të cilat janë botuar nga Shoqata Ndërkombëtare për Federatat e Atletikës (IAAF) në vitin 2018, nuk janë të arsyeshme dhe diskriminuese ndaj grave të lindura me variacione të karakteristikave të seksit. Prandaj, OKB bën thirrje për ndryshimin dhe krijimin e politikave në sport që përfshijnë pjesëmarrjen e personave intersex.

Rezoluta u propozua nga Afrika e Jugut për të nxitur ndërprerjen e diskriminimit për shkak të racës dhe seksit, fenomene me të cilat përballen shumë gra që marrin pjesë në sporte.  Për më tepër, rezoluta thekson të drejtën e integritetit trupor dhe autonomisë.

Rezolutën e plotë mund ta gjeni këtu.

Burimi: Lgbti ERA