Një bandë prej katër burrash kanë grabitur dy persona pasi u shtirën si gej në Grindr.
Policia beson se banda po përdor aplikacionin e njohjeve për të caktuar takime me qëllim për të plaçkitur viktimat e tyre.
Grabitja ndodhi në Croydon, në jug të Londrës.
Dy incidente janë raportuar deri tani, të dy përfshinë dy burra paemër që komunikonin me një burrë në Grindr dhe të dy u ndaluan nga katër persona kur arritën në pikën e takimit që kishin vendosur.
Të dy incidentet ndodhën brenda 48 orëve dhe i lanë të dy viktimat të tronditur, por të padëmtuar. Policia e Croydon beson se të dyja grabitjet janë vepër e një grupi prej katër burrash.
DC Sheree Yates nga Policia Metropolitane tha se “Viktimat fatmirësisht nuk vuajnë lëndime të rënda fizike, por kanë mbetur shumë të tronditur nga këto incidente.
“Ne po punojmë për të identifikuar të dyshuarit sa më shpejtë të jetë e mundur dhe i bëjmë thirrje të gjithëve që kanë informacion për të kontaktuar policinë.
“Ne do të donim të përfitonim nga ky rast për të siguruar komunitetin LGBT që po bëjmë gjithçka që mundemi për të arrestuar këta burra.
“Unë do të kërkoja nga të gjithë ata që përdorin këtë aplikacion për takime, që të ndërmarrin hapa për të ndihmuar veten dhe të jenë të sigurtë ndërsa takojnë njerëz të huaj.”
Ndërkohë, policia e Croydon ka lëshuar disa këshilla të sigurisë për ata që janë në zonën e Croydon e që përdorin aplikacione takimesh.
Mos ndani të dhënat personale si p.sh. numrat e telefonit dhe adresat e shtëpisë deri sa të fitoni besim për personin me të cilin po komunikoni.
Gjithmonë takohuni në një vend publik e të populluar.
Tregojini një miku në qoftë se vendosni të takoheni me dikë, tregojini se ku po shkoni dhe në çfarë ore do të ktheheni.
Kini kujdes me konsumin e alkoolit dhe mos e lini pijen tuaj të pambikëqyrur.
Karikoni telefonin tuaj përpara se të takoheni me dikë dhe sigurohuni që punon.
Mos kini frikë të largoheni në se nuk ndjeheni rehat. Ju nuk keni asnjë obligim të qëndroni./A.A.
Trending Now
Deklaratë për Shtyp
You may also like
Historiaime.al është një zë i pavarur në mbrojtje të të drejtave të njeriut. Ne raportojmë si për shkeljet e të drejtave të njeriut ashtu edhe për histori njerëzore që i promovojnë këto të drejta. Ky projekt synon të ndryshojë qëndrimet jo fort etike karshi të drejtave të njeriut nga ana e medias kombëtare si ajo e shkruar, ashtu edhe ajo vizive dhe media e re online.