Në Britani 1 në 12 birësime bëhet nga çiftet e të njëjtit seks

Më shumë se kurrë më parë çiftet e të njëjtit seks në Britaninë e Madhe kanë të zgjedhur të birësojnë fëmijë.

Lajmi vjen nga shifrat e reja të publikuara këtë javë nga Departamenti i Arsimit.

Tabelat e statistikave tregojnë një rritje dramatike në birësimet mes çifteve të gjinisë së njëjtë gjatë dekadës së kaluar.

Vetëm në Angli, çiftet e të njëjtit seks përbënin 3.27% të të gjitha birësimeve në vitin 2011 – por përbënin 8.44% të të gjitha birësimeve në vitin 2015.

Megjithatë, numrat arritën një rekord të lartë si në Skoci po ashtu edhe në Uells.

Ka patur 450 birësime në Angli nga çiftet e gjinisë së njëjtë në vitin 2015. Në Uells ishin 30, dhe 17 në Skoci – rekordi rritet në të dy vendet.

Në vitin 2007, viti i parë me numra të regjistruar, vetëm 90 fëmijë janë adoptuar nga çiftet e gjinisë së njëjtë në Angli, Skoci dhe Uells – në krahasim me 497 të këtij viti.

Statistikat thonë se 1 në 12 birësime është nga çiftet e të njëjtit seks.

Tor Docherty e bamirësisë së adoptimit New Family Social tha për PinkNews: “Është kyç në çdo rast adoptimi, që nevojat e fëmijës të jenë gjatë gjithë kohës në rang kryesor.

“Është fantastike që agjencitë e birësimit gjithnjë e më shumë po njohin aftësitë që njerëzit LGBT mund të sjellin si prindër për të përmbushur nevojat e këtyre fëmijëve.”/A.A.

/pinknews.co.uk