Foto: Pink News
Lideri i famshëm i Kishës Kristiane në Gana ka shokuar me deklaratat e tij se personat gej janë satanistë. Emri i liderit është Emmanuel Martey. Ky i fundit i bëri këto deklarata gjatë fundjavës teksa ishte duke mbajtur një fjalim në “Agape House New Testament Church”.
Ai u shpreh tekstualisht: “Është një turp kolektiv për atë komb që e miraton homoseksualitetin. Dëgjoni këtu…homoseksualët janë satanistë, si dhe ata kontrollojnë ekonominë e vendit. Ata kanë para dhe përdorin gjithnjë argumentin se është shkencërisht e provuar që është gjenetike ajo çfarë ata ndiejmë”.
Më pas toni i liderit Martey u ngrit duke thënë se: “Nëse thua se dëshiron të jesh i krishterë edhe pse je homoseksual, ekziston një doktrinë në besimin tonë e quajtur “rilindje”. Pra me pak fjalë nëse ke lindur si homoseksual, por dëshiron të jesh i krishterë, atëhere duhet të rilindësh”.
Homoseksualiteti është ilegal në Gana si dhe personat gej mund të përballen me tre vite heqje lirie. Grupet që lobojnë për të drejtat njerëzore shprehen se sulmet homofobike kundrejt personave LGBT nxiten vazhdimisht nga media dhe nga liderët fetarë. Ndërkohë Presidenti i Ganës u shpreh se vendi do të dekriminalizojë homoseksualitetin vetëm kur mbështetja kolektive për të të rritet./k.m/
Burimi: Pink News
Trending Now
Deklaratë për Shtyp
You may also like
Historiaime.al është një zë i pavarur në mbrojtje të të drejtave të njeriut. Ne raportojmë si për shkeljet e të drejtave të njeriut ashtu edhe për histori njerëzore që i promovojnë këto të drejta. Ky projekt synon të ndryshojë qëndrimet jo fort etike karshi të drejtave të njeriut nga ana e medias kombëtare si ajo e shkruar, ashtu edhe ajo vizive dhe media e re online.