Jaden Smith përdor fotografitë e Vogue për të shtyrë normat gjinore

Alba Ahmetaj Posted On 30/01/2016

Ylli në rritje Jaden Smith është shfaqur në një tjetër set fotografik, ku ai ka çuar edhe më tej kufijtë e fluiditetit gjinor, normat gjinore dhe maskilitetin.

Në një foto të shpërndarë në Instagram, modeli 17 vjeçar pozon pa këmishë për Vogue Korea. I veshur me një fund grash dhe një lule në kokë, fotoja është quajtur “Thjesht Eja Këtu”.

Vetëm disa javë më parë Smith u bë fytyra e fushatës Pranverë Verë 2016 e Louis Vuitton, dhe është fotografuar nga Bruce Weber i veshur me rroba të cilat u zbuluan në Paris Fashion Week.

Vitin e kaluar, Smith shpërndau një foto të vetën në Instagram veshur me një fustan që kishte blerë nga Topshop, duke shtuar diçiturën: “Shkova në TopShop për të blerë rroba vajzash, doja të thoja ‘Rroba.”

I biri i Will Smith dhe Jada Pinkett Smith po ecën në gjurmët e celebriteteve të tjera të reja, duke përfshirë Miley Cyrus dhe fituesen e Eurovizion Conchita, të cilët kanë filluar një diskutim rreth gjinisë binare dhe çfarë do të thotë të kesh fluiditet gjinor./A.A.

/attitude.co.uk

- Advertisement -

Author

Alba Ahmetaj

Alba Ahmetaj është juriste dhe bashkëthemeluese e ProLGBT. Ajo është një ndër asetet e Historia Ime që në fillimet e saj dhe zëri i saj është i dukshëm sidomos në seksionet e feminizmit, LGBT-ve dhe Drejtave të Njeriut të portalit pasi motivimi i saj ka qënë me i fokusuar në këtë drejtim. Ajo është aktiviste prej 10 vitesh për avancimin e të drejtave të komunitetit LGBTI në Shqipëri dhe ka luftuar për të ndihmuar përmirësimin e jetës së grave dhe vajzave të këtij komuniteti. Alba është Drejtoresha e Programeve të dedikuara grave dhe vajzave të komunitetit LBT.