Lideri i AAK-së, Ramush Haradinaj, i cili e quajti kryetarin e Komisionit Shtetëror për Shënimin e Kufirit me Malin e Zi, Murat Mehës, “peder”, ka kërkuar falje për përdorimin e kësaj fjale, njoftojnë mediat në Kosovë. Madje ai ka përdorur edhe termin LGBT.
“Cilësimi që i kam bërë sot Murat Mehës në Komisionin e Jashtëm Parlamentar, s’ka të bëjë me fjalor diskriminues ndaj asnjë kategorie njerëzore, e as ndaj komunitetit LGBT. Ajo që kam thënë ka të bëjë vetëm me karakterin e kryetarit të Komisionit për Demarkacion, por nëse dikush është ndier i fyer me këtë fjalë, u kërkoj falje publike”, shkruan Haradinaj, sipas gazetes Express.
Tutje, ai tha se dyshja politike Mustafa-Thaçi me veprimet e tyre po e rrezikojnë shtetin dhe tokën e Kosovës.
“Ata kanë angazhuar kriminelë ordinerë institucionalë në zbatimin e politikave të tyre që s’kanë si të jenë në interes të qytetarit, dhe përballë provokimeve të tyre, ndonjëherë është e pamundur që të ruhet qetësia”, theksoi ai.
/k.p./
Trending Now
Deklaratë për Shtyp
You may also like
Historiaime.al është një zë i pavarur në mbrojtje të të drejtave të njeriut. Ne raportojmë si për shkeljet e të drejtave të njeriut ashtu edhe për histori njerëzore që i promovojnë këto të drejta. Ky projekt synon të ndryshojë qëndrimet jo fort etike karshi të drejtave të njeriut nga ana e medias kombëtare si ajo e shkruar, ashtu edhe ajo vizive dhe media e re online.