STRASBURG (Reuters) – Gjykata Evropiane e të Drejtave të Njeriut ka dënuar Italinë të martën për dështimin e sigurimit të njohjes ligjore për çiftet e të njëjtit seks dhe tha se vendi duhet të prezantojë një formë të bashkimit civil për çiftet gej.
Italia është i vetmi vend i madh i Evropës perëndimore që nuk njeh as partneritete civile as martesat gej.
Italia u dërgua në Gjykatën Evropiane me qendër në Strasburg nga tre gej të cilët u ankuan se Italia i diskriminon për shkak të orientimit të tyre seksual.
Në vendimin e tyre, një panel prej shtatë gjykatësish tha se çiftet e të njëjtit seks në Itali kanë nevojë për më shumë të drejta ligjore.
“Gjykata ka konsideruar se mbrojtja ligjore aktualisht në dispozicion në Itali për çiftet e të njëjtit seks … jo vetëm që nuk arriti të sigurojë nevojat thelbësore të një çifti në një marrëdhënie të qëndrueshme e të përkushtuar, por që nuk ishte as edhe mjaft i besueshëm,” tha vendimi.
Kryeministri italian Matteo Renzi tha në fundjavë se qeveria e tij do të prezantojë një ligj mbi bashkimet civile deri në fund të vitit, duke bindur një ministër të ri që t’i japë fund një greve urie që kishte filluar në fillim të korrikut për të protestuar për mungesën e legjislacionit.
Projektligji për të lejuar bashkimet civile është bllokuar në Senat nga mijëra amendamente të paraqitura si nga opozita ashtu edhe nga një nga partnerët e koalicionit të Renzi-t.
Gjykata Evropiane e të Drejtave të Njeriut u ngrit në vitin 1959 dhe ka për qëllim të mbrojë të drejtat e njeriut, demokracinë dhe sundimin e ligjit në të gjithë kontinentin. Ajo tha se 24 nga 47 shtete anëtare të Këshillit të Evropës mbikqyrës të të drejtave të njeriut tashmë kanë ligjëruar në favor të bashkimeve të të njëjtit seks.
Vendimi urdhëroi Italinë që të paguajë çdo paditës me nga 5000 € (5427 $) për dëmet dhe deri në 10,000 euro në total për të mbuluar shpenzimet e tyre dhe shpenzimet ligjore.
Mbështetja për bashkimet e të njëjtit seks është rritur në Itali, sidomos pasi një vend me mbizotërim katolik, Irlanda, votoi në maj për të legalizuar martesat gej./A.A.
Trending Now
You may also like
Historiaime.al është një zë i pavarur në mbrojtje të të drejtave të njeriut. Ne raportojmë si për shkeljet e të drejtave të njeriut ashtu edhe për histori njerëzore që i promovojnë këto të drejta. Ky projekt synon të ndryshojë qëndrimet jo fort etike karshi të drejtave të njeriut nga ana e medias kombëtare si ajo e shkruar, ashtu edhe ajo vizive dhe media e re online.