Nje vendim historik vjen nga Kosova, pasi sipas raportimeve të mediave lokale, Gjykata e Apelit ka konfirmuar një vendim të Gjykatës Themelore për lejimin e ndryshimit të gjinisë në dokumentat zyrtare.
Rasti i përket një qytetari 38 vjeçar nga Kosova, i cili dëshiron të ndryshojë gjininë nga femër në mashkull dhe jeton në një shtet jashtë Kosovës.
Me këtë vendim, i pari i kësaj natyre në Kosovë, është anuluar Ligji i Gjendjes Civile të vitit 2011 duke e respektuar atë të Barazisë Gjinore i cili ka hyrë në fuqi nga viti 2015.
Duke u bazuar në ligjin e sipërpërmendur, Kushtetutën e Republikës së Kosovës dhe Konventën Evropiane të të drejtave dhe lirive, Gjykata e Apelit me vendimin e saj historik bën të mundur njohjen e identitetit gjinor në dokumenta zyrtare duke përparuar dukshëm krahasuar me legjislacionin e vendeve fqinje.
Trending Now
Deklaratë për Shtyp
You may also like
Historiaime.al është një zë i pavarur në mbrojtje të të drejtave të njeriut. Ne raportojmë si për shkeljet e të drejtave të njeriut ashtu edhe për histori njerëzore që i promovojnë këto të drejta. Ky projekt synon të ndryshojë qëndrimet jo fort etike karshi të drejtave të njeriut nga ana e medias kombëtare si ajo e shkruar, ashtu edhe ajo vizive dhe media e re online.