A do të bëheshe heteroseksual nëse do të mundeshe?

Një video e re eksploron nëse gejtë që kanë dalë hapur do të zgjidhnin të ishin heteroseksualë nëse do të mundeshin.

Ne të gjithë e dimë se të jesh gej nuk është një zgjedhje, por kjo shpesh nuk i ndalon njerëzit LGBT të dëshirojnë që të ishin heteroseksualë kur vjen puna tek seksualiteti i tyre.

Me homofobinë, bifobinë dhe transfobinë ende gjallë, një video të re ngre një pyetje interesante – nëse do të mund të zgjidhje, a do të ishe heteroseksual?

Kjo ishte pyetja që ju bë një numër njerëzish të ndryshëm nga i gjithë komuniteti LGBT.

Video – nga BuzzFeed – i  pyet ata të përshkruajnë se si ishte për ta të dilnin hapur dhe të diskutonin disa nga sfidat me të cilat janë përballur.

“Jeta ime do të ishte shumë e lehtë në qoftë se do të isha heteroseksual”, thotë një burrë – i cili identifikohet si gej.

“Është me të vërtetë e vështirë kur je një gej adoleshent, sepse ju flisni ndryshe dhe veproni ndryshe dhe njerëzit duan t’ju rrahin”, thotë një tjetër.

“Duke u rritur, do të kishte qenë shumë më e lehtë në qoftë se unë do të isha heteroseksuale, për të kuptuar se çfarë po ndodhte në trupin tim dhe në kokën time”, thotë një grua që e përshkruan veten si panseksuale.

Megjithatë, kur u pyetën nëse ata do të bëheshin heteroseksualë tani, në se do tu jepej mundësia, përgjigjet janë disi të habitshme.

“Zot jo!”, Thotë një grua. “Unë jetoj në këtë botë të bukur që kam krijuar për veten time.”

“Jo, sepse unë mendoj se bota është bërë një vend më i pranueshëm”, thotë një tjetër.

“Jo, unë jam shumë rehat me veten time”, shton një tjetër.

“Unë nuk dua të kthehem në heteroseksual, unë nuk dua të jem heteroseksual, unë dua të jem gej dhe kështu siç jam!”

Shikoni videon e plotë më poshtë./A.A.

/pinknews.co.uk