EID MUBARAK? Një përshkrim i shkurtër për mardhënien e Islamit me seksualitetin.

Po të shohësh me vëmendje shtrirjen e artit dhe letërsisë islame në shekuj duket qartë se marrëdhënia midis besimit mysliman dhe dashurisë së të njëjtës gjini nuk është aspak e bardhë e zi.

Por edhe po të mos e shohësh, në këtë shkrim mund të gjeni një përshkrim fillestar për t’ ju nxitur kuriozitetin.  

Historikisht, mendimi kryesor islamik shpesh ka kundërshtuar  marrëdhëniet homoseksuale, marrë për historinë e  Profetit Lut  në kur’ an. Megjithatë, kjo histori nuk ka zhdukur praninë e temave të ndjeshme në artin dhe letërsinë islame. Veprat nga shekulli i 16-të deri në të 21-tën paraqesin dashurinë dhe dëshirën e të njëjtës gjini, sfidat, stereotipet dhe përshkrime që reflektojnë kompleksitetin e përvojave romantike dhe erotike brenda komuniteteve myslimane.

Poezia persiane, e përfaqësuar nga Haft Awrang i Jami, paraqet narrativa të dashurisë së të njëjtës gjini që tejkalon thjesht fyerjen, fokusohet në vend të kësaj në mesazhe morale më të gjera për mëkat, pendesë dhe shpengim. Po ashtu, paraqitjet artistike në miniaturat dhe portretet zbulojnë nuancat homoerotike.

Në kohët e sotme, arti mysliman shërben si një mundësi për shprehi dhe rezistencë kundër diskriminimit të përjetuar nga myslimanët LGBTQ+. Artistë si Jamil Hellu dhe Parisa Parnian përdorin punën e tyre për të eksploruar tema të qëndresës, identitetit dhe lirimit, rivendosjen e simboleve dhe përvojave kulturore për të reflektuar përvojat e tyre të jetuara.

Po ashtu, diversiteti brenda botës myslimane e përforcon komlepleksitetin e marrëdhënies midis Islamit dhe mardhënieve të së njejtës gjini, identitetit gjinor dhe orientimit seksual. Ndërsa disa myslimanë LGBTQ+  gjejnë paqe përmes eksplorimit të burimeve alternative fetare dhe interpretimit personal të teksteve fetare, të tjerë përballen me ndjenja të izolimit dhe margjinalizimit brenda komuniteteve të tyre fetare.

Gjetja e hapsirave të cilat mund ti përkasësh paraqet sfidat e veta, me islamofobinë dhe stereotipet për Islamin që përkeqësojnë izolimin e myslimanëve LGBTQ+. Ka një thirrje për pranim dhe kuptim, duke nxitur aleatët të ngrihen kundër islamofobisë dhe të krijojnë hapësira të përfshirëse për të gjithë.

Në thelbin e tij, interseksualiteti mes LGBTQ+ dhe Islamit është thellësisht personal, i karakterizuar nga eksplorimi, të provuarit dhe në fund, pranimi.

Kërkimi dhe njohja e vetes dhe Islamit përmes artit dhe letërsisë ofron një kuptim më thelbësor të të identiteve tona në marëdhënie me habitatet ku jetojmë. Duke pranuar të panjohurën dhe sfidat, patjetër që do të kemi ndikimin tone për një shoqëri më të përfshirë ku të gjithë janë të lirë të shprehin vetveten edhe me besime dhe fe.