Bashkimi Evropian (BE) ka shpalosur 8 shtetet në Evropë të cilat do të shërbejnë si qendra të superkompjuterëve, të parat e këtij lloji në kontinentin e vjetër, raporton AA. Evropa synon të shndërrohet në një “parajsë” të superkompjuterëve, me rreth një miliardë dollarë investime.
Vendet të cilat do të jenë nikoqire të këtyre kompjuterëve janë qytetet Sofje (Bullgari), Ostrava (Çeki), Kajaani (Finlandë), Bolonja (Itali), Bissen (Luksemburg), Minho (Portugali), Maribor (Slloveni) dhe Barcelona (Spanjë).
“Këto lokacione paraqesin një burim strategjik për të ardhmen e industrisë evropiane, njëkohësisht do të na ndihmojnë të përparojmë në teknologjitë e së ardhmes, siç janë interneti, inteligjenca artificiale, robotika dhe analitika e të dhënave”, tha Andrus Ansip, zëvendëspresident i Tregut të Vetëm Digjital në kuadër të Komisionit Evropian.
Industria globale e superkompjuterimit aktualisht dominohet nga SHBA-të dhe Kina.
Trending Now
Historiaime.al është një zë i pavarur në mbrojtje të të drejtave të njeriut. Ne raportojmë si për shkeljet e të drejtave të njeriut ashtu edhe për histori njerëzore që i promovojnë këto të drejta. Ky projekt synon të ndryshojë qëndrimet jo fort etike karshi të drejtave të njeriut nga ana e medias kombëtare si ajo e shkruar, ashtu edhe ajo vizive dhe media e re online.