Presidenti i Turqisë Rexhep Taip Erdogan, ka deklaruar se Ankaraja do të fillojë një operacion të ri ushtarak, në një zonë të kontrolluar nga kurdët në Sirinë Veriore.
Erdogan tha, se ndonëse Rusia dhe Shtetet e Bashkuara janë lajmëruar për operacionin e planifikuar, gjithsesi nuk dihet se kur do të nisë ndërhyrja.
Kjo të ishte hyrja e tretë turke në Siri në këto pak vite. “Ne do të vazhdojmë luftën tonë kundër atyre që janë duke e synuar vendin tonë si armiq dhe grupe terroriste si FETO, Daesh dhe PKK”, tha Erdogan.
Erdogani, gjithashtu ka paralajmëruar fillimin e një sulmi në lindje të Eufratit, por i la në pritje këeto plane, pasi SHBA premtoi se do të krijonte një zonë “tampon” të luftëtarëve kurd të YPG përgjatë kufirit të Sirisë.
Në anën tjetër, Ankaraja ka akuzuar Uashingtonin për ngecjen e procesit dhe njoftimi i së dielës sugjeron se Erdogani e ka humbur durimin me aleatët e tij amerikanë. Grupi i Uashingtonit, ishte aleati kryesor në terrenin sirian gjatë betejës kundër të ashtuquajturit Shtet Islamik, por Turqia e sheh atë si një organizatë terroriste.
Sakaq, nga SHBA-ja mësohet se diskutimet me Turqinë për krijimin e një zone të sigurt po vazhdojnë. /l.k/
Informohu më shumë siç vijon:
Trending Now
Deklaratë për Shtyp
You may also like
Historiaime.al është një zë i pavarur në mbrojtje të të drejtave të njeriut. Ne raportojmë si për shkeljet e të drejtave të njeriut ashtu edhe për histori njerëzore që i promovojnë këto të drejta. Ky projekt synon të ndryshojë qëndrimet jo fort etike karshi të drejtave të njeriut nga ana e medias kombëtare si ajo e shkruar, ashtu edhe ajo vizive dhe media e re online.