Banorët e Unazës së re, në vazhdimësi të protestës së tyre të pandëprerë kanë zgjedhur të ndryshojnë ditën e martë mënyrën e organizimit të protestës. Në vend të bllokimit të rrugës për disa minuta e thirrjeve të përditshme, ata kanë vendosur të marshojnë drejt shtëpisë së kryeministrit Edi Rama në Surrel.
Protesta e tyre ka vazhduar për 66 ditë radhazi, ndërsa kanë paralajmëruar se kauza e tyre do të përfundojë në kohën kur do të anulohet përfundimisht projekti. Ata kërkojnë dëmshpërblim 100% për banesat e tyre, ndonëse shumica nuk i kanë të legalizuara.
Aktualisht punimet në këtë projekt janë ndaluar për shkak të zbulimit të aferës korruptive me tenderin e rrugës.
Policia ka penguar afrimin e protestuesve drejt banesës së Kryeministrit për shkak se disa prej tyre kishin në duar pishtarë të ndezur. Banorët ishin të shoqëruar dhe nga deputetë të opozitës e u shprehën të vendosur për vazhdimin e protestës së tyre pa afat./ k.j
Trending Now
Deklaratë për Shtyp
You may also like
Historiaime.al është një zë i pavarur në mbrojtje të të drejtave të njeriut. Ne raportojmë si për shkeljet e të drejtave të njeriut ashtu edhe për histori njerëzore që i promovojnë këto të drejta. Ky projekt synon të ndryshojë qëndrimet jo fort etike karshi të drejtave të njeriut nga ana e medias kombëtare si ajo e shkruar, ashtu edhe ajo vizive dhe media e re online.