Hyn në ditën e dytë greva madhështore kundër reformës së pensioneve në Francë

Greva më e madhe e Francës ndër vite, sot hyri në ditën e dytë, teksa janë bërë bllokime masive ndërqytetase. Pati qindra fluturime të anuluara dhe shumica e shkollave u mbyllën, ndërsa ditën e sotme u bllokuan 10 nga 16 linja metroje, ndërkohë që të tjerat drejtonin shërbime të kufizuara. Për ata udhëtarë që përdorën makinat e tyre, pati bllokim të trafikut prej 350 km rrugë të pakalueshme brenda dhe rreth kryeqytetit.

Rreth 806,000 persona në të gjithë Francën morën pjesë në demonstratat e nisura ditën e enjte, kundër reformave të propozuara nga presidenti Emmanuel Macron.

Ndërkohë, greva mbarëkombëtare e mbajtur nga punëtorët e transportit, mësuesit dhe profesionistët e tjerë e solli vendin në një rreze tepër të ngushtë veprimi.

Policia deklaroi se vetëm 65,000 vetë kishin marshuar në Paris, por drejtuesit e Unionit pretendojnë se numri ishte më i lartë, mbi 250,000 njerëz, sipas CGT (Konfederatës së Përgjithshme të Punës). Sakaq, policia franceze i priti me gaz lotsjellës demonstratat që filluan në Paris, pasditen e së enjtes, teksa nuk ngurruan të ngrenë akuza ndaj protestuesve me kapuç. Ndërkohë, gazi lotsjellës u përdor edhe në qytetet perëndimore të Nantës dhe Bordosë, ndërsa përplasjet shpërthyen pranë “Place de la Republique” në kryeqytet, kur disa protestues i vunë zjarrin një rimorkioje kamionësh. 71 persona u morën në pyetje nga margjinat e protestave, sipas deklaratës nga Departamenti i Policisë në Paris.

Greva e nisur,  e cila nuk ka afat të përcaktuar dhe mund të zgjasë disa ditë- ka bërë të mundur të shtrohen krahasime me përballjen midis qeverisë dhe sindikatave në nëntor-dhjetor të vitit 1995, kur Franca u paralizua përreth tri javë.

Por cila është zanafilla e grevës?

Macron kërkon të zbatojë një nga premtimet e fushatës me anë të një sistemi “universal” të daljes në pension. Reforma e pensioneve, supozon 42 regjime speciale ose të pavarura për sektorë që fillojnë nga hekurudhat dhe punëtorët e energjisë, deri tek avokatët dhe punonjësit e Operas në Paris, të cilat shpesh u japin punonjësve pensione më të larta ose pension të parakohshëm.

Por sindikatat bëjnë të ditur, se ndryshimet me reformën e propozuar do të kërkonin, që të punojnë në mënyrë efektive miliona punëtorë të sektorit privat përtej moshës së pensionit ligjor, 62 vjeç, nëse duan të marrin pensionin e plotë për të cilin u është premtuar.

Kryeministri Eduard Filip, ka pranuar se punëtorët francezë gradualisht do të punojnë më gjatë, por nuk ka zbuluar detaje të tjera të aplikimit të kësaj reforme deri në 12 dhjetor.

Për më shumë detaje, lexoni duke klikuar këtu.