Në ditën kur shënohet 1 vjetori i vdekjes së gazetarit saudit kritik me regjimin në vendin e tij, Jamal Khashoggi, gazetarë dhe aktivistë nga “Reporterët pa Kufij” protestuan përpara konsullatës Saudite në Paris, për të kërkuar drejtësi për gazetarin.
Dhjetëra aktivistë hodhën manekinë përpara hyrjes së konsullatës së Arabisë Saudite në Francë, për të përkujtuar vrasjen e gazetarit me shtetësi amerikane Jamal Khashoggi në konsullatën Saudite në Turqi më 2 tetor 2018.
Një vit më parë, Jamal Khashoggi, kolumnist për Washington Post, u vra, u copëtua dhe u dogj nga një ekip vrasësish në konsullatën e Arabisë Saudite në Stamboll. Ai kishte shkuar atje me shpresën se do të merrte letrat që i duheshin për t’u martuar. Ndërsa një raport i CIA arriti në përfundimin se princi saudit Mohamed bin Salman personalisht urdhëroi vrasjen e Khashoggi, ai ka mohuar akuzat dhe shumë pyetje në këtë çështje mbeten pa përgjigje.
Vrasja e gazetarit është kthyer në një çështje ndërkombëtare dhe një nga shembujt më domethënës së shtypjes së fjalës së lirë dhe lirisë së shtypit.
Presidenti amerikan Trump ka refuzuar deri më tani për të mbajtur përgjegjës princin saudit, i cili mohoi publikisht akuzat javën e shkuar, ndërkohë që Presidenti turk Erdogan ka kërkuar sërish nga autoritetet saudite zbardhjen e gjarjes dhe gjetjen e fajtorëve.
Deri më tani, askush nuk është dënuar.
Burimi i fotos: Zëri i Amerikës/Commons
Trending Now
Deklaratë për Shtyp
You may also like
Historiaime.al është një zë i pavarur në mbrojtje të të drejtave të njeriut. Ne raportojmë si për shkeljet e të drejtave të njeriut ashtu edhe për histori njerëzore që i promovojnë këto të drejta. Ky projekt synon të ndryshojë qëndrimet jo fort etike karshi të drejtave të njeriut nga ana e medias kombëtare si ajo e shkruar, ashtu edhe ajo vizive dhe media e re online.