Duke iu referuar Konferencës së Traumës, “Gazeta Shqiptare” shkruan sot se “rreth 100 njerëz përfundojnë çdo ditë në spital pas aksidenteve të ndryshme, ndërkohë që rreth 18 për qind e tyre humbasin jetën gjatë trajtimit intensiv”.
Të dhënat u bënë publike gjatë Konferencës së Parë Kombëtare të Traumës, në të cilën morën pjesë kirurgë nga vendi ynë si dhe nga Shoqata Evropiane e Traumës.
Gjatë saj u trajtuan problematika të ndryshme që lidhen me shërbimin e traumës, ndërkohë që theksi u vu te fakti se Spitali Universitar i Traumës (ishspitali Ushtarak) është qendra e vetme e traumës, në të cilin marrin shërbim rreth 40 mijë pacientë të gjymtuar në vit.
Ndërkohë që terapia për ta lë shumë për të dëshiruar, duke nisur që nga transporti fizik pas aksidenteve e deri te mungesa e fizioterapisë për rikuperimin e plotë. Një tjetër shqetësim mbetet edhe mungesa e trajnimit të personelit shëndetësor që trajton pacientët pas aksidenteve.
Trending Now
Deklaratë për Shtyp
You may also like
Historiaime.al është një zë i pavarur në mbrojtje të të drejtave të njeriut. Ne raportojmë si për shkeljet e të drejtave të njeriut ashtu edhe për histori njerëzore që i promovojnë këto të drejta. Ky projekt synon të ndryshojë qëndrimet jo fort etike karshi të drejtave të njeriut nga ana e medias kombëtare si ajo e shkruar, ashtu edhe ajo vizive dhe media e re online.