Arrestohet një tjetër efektiv i Policisë në Shkodër, akuzohet se ka ngacmuar seksualisht studenten brenda Fakultetit Juridik
Redaksia
Posted On 13/02/2019
0
Një ditë pas videoskandalit të punonjësit të policisë në Gruemirë, një tjetër skandal ka prekur efektivët e Policisë së Shkodrës.
Sipas një denoncimi të ardhur prej studentëve të Fakultetit Juridik, një efektiv i policisë ka ngacmuar seksualisht një pedagoge dhe një studente të fakultetit, duke ngjallur reagime te studentët e tjerë të cilët nuk e lejuan të largohej nga godina deri në shoqërimin e tij.
Efektivi i policisë, i veshur civil, shfaqet në video duke u shoqëruar nga policia dhe duke u përzënë nga studentët e revoltuar. Sipas tyre, efektivi me armën e shërbimit në brez, ka hyrë në ambientet e tualeteve të fakultetit, ku ka ngacmuar studenten dhe pedagogen.
Sipas policisë, ndryshe nga sa pretendojnë disa studentë, efektivi i FNSH-së në momentin që ka ngacmuar një vajzë, ka qenë në rrugë dhe jo brenda fakultetit. Policia mohon që të ketë pasur kërcënime ndaj vajzës duke sqaruar se efektivi e ka pëlqyer atë dhe e ka ndaluar.
Sipas policisë, efektivi i FNSH ka të drejtë që ta mbajë armën e punës edhe kur është civil./k.j
- Advertisement -
Historiaime.al është një zë i pavarur në mbrojtje të të drejtave të njeriut. Ne raportojmë si për shkeljet e të drejtave të njeriut ashtu edhe për histori njerëzore që i promovojnë këto të drejta. Ky projekt synon të ndryshojë qëndrimet jo fort etike karshi të drejtave të njeriut nga ana e medias kombëtare si ajo e shkruar, ashtu edhe ajo vizive dhe media e re online.