Punonjëset e seksit duan dhe duhet të kenë të drejta

Punonjëset e seksit në Maqedoninë e Veriut kanë marshuar në Shkup duke kërkuar dekrominalizimin e punës së tyre.

“Me dekriminalizimin e punonjësve të seksit, dhuna do të reduktohet dhe do të rregullohet me të gjitha të drejtat dhe detyrimet.”-u shprehën orgaënizatorët në nisje të marshimit.

Punëtorët e seksit kërkojnë trajtim human dhe të barabartë nga shteti në bazë të parimit të respektimit të të drejtave të njeriut, të garantuar me ligjet dhe kushtetutën e Maqedonisë dhe dekriminalizimin e punës seksuale, në kuadër të fushatës së sivjetshme “5353 për drejtësi”.

“Sot shënojmë Ditën Ndërkombëtare të Ndalimit të Dhunës ndaj Punëtorëve të Seksit, 17 Dhjetorin, të cilën e shënojmë çdo vit me marshimin me ombrellë të kuqe. Ajo që ndryshon nga vitet e kaluara është se këtë vit po shënojmë 5353 ditë për drejtësi. Punëtorët e seksit këtë vit më në fund arritën drejtësi për shkak të shkeljes së të drejtave të tyre nga institucionet. Më 20 nëntor 2008, 23 punonjëse të seksit u dërguan pa shpjegime në stacionin policor të Bit Pazarit ku u mbajtën gjatë gjithë mbrëmjes”- tha Heidi Sterjova Simonoviq, drejtoreshë ekzekutive e HOPS.

Tre punonjëse seksi dëshmuan para kamerave për ngacmimet dhe poshtërimet që përjetuan atë natë në komisariat.

“ E drejta e tyre për privatësi u cenua rëndë nga fakti se ata u filmuan dhe u publikuan me fytyrën e zbuluar në publik. Nga gjithsej 23 gra të cilave iu janë shkelur të drejtat atë mbrëmje, vetëm 13 kanë guxuar të bëjnë padi kundër një institucioni siç është Ministria e Brendshme për mbrojtjen e të drejtës së tyre për privatësi dhe mbrojtje nga trajtimi çnjerëzor dhe poshtërues” theksoi Shterjova.

Më pas vijon kalvari gjyqësor i këtyre punëtoreve të seksit, ku vendimi në favor të tyre dhe dëmshpërblimi u anulua nga Gjykata e Apelit dhe vetëm 4 prej tyre vazhduan procedurën para Gjykatës Evropiane për të Drejtat e Njeriut, e cila deklaroj se të drejtat e tyre ishin shkelur nga Ministria e Punëve të Brendshme dhe gjykata.

“Me këtë aktgjykim po u dërgojmë mesazh institucioneve dhe gjykatave kombëtare se në një shtet demokratik të gjithë janë të barabartë para ligjeve dhe kushtetutës dhe të drejtat e të gjithë qytetarëve duhet të respektohen dhe mbrohen njësoj”- theksoi Shterjova.

Marshimi u ndoq edhe nmga STAR – Kolektivi i Parë i Punëtorëve të Seksit në Ballkan, aktivistë, mbështetës dhe organizata .

“Punëtorët e seksit në vend nuk duan të gëzojnë të drejta të veçanta, thjesht duhet të gëzojnë të gjitha të drejtat siç I kanë të gjithë.” tha Borçe Bozhinov, nga Shoqata STAR – STAR Shkup./ HistoriaIme