Biznesit i mbeten katër ditë kohë për të bërë deklarimin e pagesave pranë administratës tatimore, lidhur me TVSH-në, Tatimin mbi të Ardhurat në burim, taksat dhe tarifat nacionale. Burime zyrtare të
Drejtoria e Përgjithshme e Tatimeve bën me dije se 22 janari është afati i fundit për të bërë deklarimin, për periudhën dhjetor 2014. Brenda këtij afati biznesi nuk do të ngarkohet as me gjoba dhe as me kamatvonesë. Ndërsa lidhur me pagesat e sigurimeve shoqërore dhe atyre shëndetësore afati për deklarimin e tyre është deri në 27 Janar. Çka do të thotë se të gjithë subjektet që duhet të bëjnë deklarimin e pagesave e detyrimeve që lidhen me kontributetet e detyrueshme të sigurimeve shoqërore dhe shëndetësore si dhe të tatimit mbi të ardhurat nga punësimi të periudhës Dhjetor 2014, kanë edhe 9 ditë kohë për të kryer këtë proçedurë. Drejtoria e Përgjithshme e tatimeve njofton se edhe në këtë rast nuk do të paguhet as gjoba dhe as kamatvonesa për deklarimin e pagesave të Sigurimeve Shoqërore dhe Tatimit mbi të Ardhurat nga Punësimi për tatimpaguesit e Biznesit të vogël të cilët deklarojnë dhe paguajnë për 3-mujorin Tetor – Nëntor – Dhjetor 2014. Shkak i vonesave në deklarimin e muajit dhjetor 2014 është bërë instalimi i një sitemi të ri elektronik të tatimeve, ndaj administrata ka hequr penalitetet.
Historiaime.al është një zë i pavarur në mbrojtje të të drejtave të njeriut. Ne raportojmë si për shkeljet e të drejtave të njeriut ashtu edhe për histori njerëzore që i promovojnë këto të drejta. Ky projekt synon të ndryshojë qëndrimet jo fort etike karshi të drejtave të njeriut nga ana e medias kombëtare si ajo e shkruar, ashtu edhe ajo vizive dhe media e re online.