Dita ndërkombëtare për të drejtat e punëtorëve, 1 maji, kaloi sot në Shqipëri pa asnjë veprimtari sindikaliste apo protestë të çfarëdolloji, megjithë pagat e ulëta dhe kushtet e këqija të punës në shumë kompani ndërsa papunësia në vend rritet vazhdimisht.
Kështu raporton gazetari Ilirian Agolli për Zërin e Amerikës.
“Dita e punëtorëve është shpallur zyrtarisht prej disa vitesh ditë pushimi, dhe kjo i shtyn shumë prej qytetarëve që të harrojnë për pak punën në të zezë e pa sigurime, vetëpunësimin e lodhshëm në biznese të vogal familjare apo bujqësi, apo rendjen disavjeçare për të kërkuar punë nga një firmë në tjetrën”, bëhet e ditur më tej.
Megjithatë këtij raportimi duket i ka shpëtuar një protestë e vogël me disa të moshuar të vetidentitifkuar si komunistë. Ata duken në këte foto të publikuar nga agjencia e fotove LSA.
Historiaime.al është një zë i pavarur në mbrojtje të të drejtave të njeriut. Ne raportojmë si për shkeljet e të drejtave të njeriut ashtu edhe për histori njerëzore që i promovojnë këto të drejta. Ky projekt synon të ndryshojë qëndrimet jo fort etike karshi të drejtave të njeriut nga ana e medias kombëtare si ajo e shkruar, ashtu edhe ajo vizive dhe media e re online.