Rama e mbron gjatë takimit në Elbasan/ Lëvizja “Për Universitetin” demaskon profesorin e FSHN

Një hulumtim interesant është publikuar ditën e djeshme në llogarinë në Facebook të lëvizjes “Për Universitetin” ku është nxjerrë në pah se pedagogu pranë Fakultetit të Shkencave Natyrore, z. Thanas Xhillari vijon të ketë një kontratë pune pranë këtij fakulteti edhe pas mbushjes së moshës së pensionit.

Qëndirmi i tij në Fakultet si pedagog me kontratë pune përbën shkelje të Ligjit të Arsimit pasi në nenin 65 ku elaborohet mbi kohëzgjatjen e punësimit të personelit akademik, në pikën 2 theksohet:

“Personeli akademik, që mban titullin “Profesor i asociuar”, shërben në detyrë deri në moshën 65 vjeç. Mbështetur mbi nevojat e institucionit të arsimit të lartë dhe me pëlqimin e tij, ai mund të shërbejë në detyrë edhe pas moshës së lartpërmendur, përmes kontratave me kohëzgjatje deri në një vit, të përsëritshme, sipas përcaktimeve në statutin e institucionit të arsimit të lartë.”

Ndërkohë profesor Xhillari (65 vjeçar) nuk mban gradën e “Profesorit të asociuar” por vijon të ketë kontratë pune. Emri i profesorit u lakua këtë javë nga kryeministri Rama i cili i ka ardhur në mbrojtje figurës së profesorit kundër stigmatizimit publik që iu bë atij nga disa studentë aktivistë, duke e cilësuar si ‘’mrs. 700 eurosh”.

Në mars të vitit të kaluar lëvizja “Për Universitetin” ka bërë apel kundër fenomenit të mitmarrjes përmes shpalosjes së një banderole ku shkruhej “Boll i zhvatët studentët”./k.m/

Burimi: Lëvizja “Për Universitetin”