Si Viktor Obran në mes të pandemisë, po ua pamundëson jetën komunitetit transgjinor!

Ivett Ördögg është një grua trans që jeton në Budapest, Hungari.  Ajo ka një të dashur, një punë të re që e shijon me të vërtetë si zhvillues i programeve kompjuterike dhe i pëlqen të jetojë në qytet.

Por kur vendi të hapë kufijtë e tij, të mbyllur aktualisht për shkak të pandemisë koronavirus, Ivett do të shpëtojë.

Ajo mendon se nuk ka zgjidhje tjetër: Zsolt Semjén, zëvendëskryeministri i Hungarisë, ka propozuar një ligj që do të ndalojë ligjërisht njerëzit  trans të ndryshojnë emrin dhe gjininë.

Sipas ligjit të ri – të paraqitur në 30 Mars,  disa orë pasi kryeministri i ekstremit të djathtë Viktor Orbán fitoi një votim parlamentar për të sunduar me dekret në kohë të pacaktuar – Ivett do të detyrohet të mbajë emrin dhe mbiemrin e saj, si mashkull.

Ajo i di problemet serioze që do të krijojë kjo për të, sepse i përjeton ato tani. Në Hungari, ajo thotë se njerëzit duhet të tregojnë ID e tyre shumë më shpesh sesa në Mbretërinë e Bashkuar – pjesë e “një kulture që u ushqye gjatë epokës komuniste” – kur marr një letër në zyrën postare, kur marrë me qira një shtëpi, kur një polici ju ndalon ne rruge, duhet ID.

Ivett është një vajzë, dhe kur ajo kalon në rrugë, askush nuk e dallon . Por me një emër mashkull dhe shënues gjinie në ID e saj, ajo është e jashtëligjshme sa herë që ta tregojë atë – dhe, në një vend të rritur me stigmë kundër komunitetit trans, plus homofobinë dhe transfobinë e sanksionuar nga qeveria, kjo është tepër e rrezikshme.

Shumë nga njerëzit që do të preken nga ligji i ri janë aq të margjinalizuar sa nuk është e sigurt për ta të flasin me media.

Ivett thotë se ajo po flet, për të gjithë ata që nuk munden, për ata që nuk guxojnë, të cilët heshtin në mënyrë efektive.

Ivett thotë se nuk dëshiron të largohet nga Budapesti. “Por nëse ky projekt-ligj kalon, atëherë në thelb nuk kam asnjë mundësi tjetër,” thotë ajo.

Dhe problemet e saj nuk do të mbarojnë këtu. Ju mund të merrni njohjen ligjore gjinore vetëm në vendin ku ju jeni një qytetar. Kështu që kur ajo të lëvizë, me siguri në Gjermani, së pari do të duhet të kalojë procesin e marrjes së shtetësisë.

Atëherë ajo do të kalojë në procesin e gjatë të tranzicionit ligjor, gjinor – duke përsëritur disa hapa invazivë dhe burokratikë .

“E dini çfarë është shkatërruese për mua?” thotë ajo. “Unë jam e mbërthyer. Nëse ky projektligj kalon, unë kam ngecur për dekadën e ardhshme, këtu,  dhe duhet të shpjegoj gjininë time çdo herë kur duhet të bëj diçka ligjore. “

Por, në realitet komuniteti trans në Hungari nuk është i befasuar nga kjo situatë,  është e qartë, qeveria e ekstremit të djathtë të Orban përdori pandeminë COVID-19 për të rrëmbyer më shumë pushtet, projekt-ligji ishte një shok, por jo edhe një surprizë./ HistoriaIme