Raporti/ Ngacmimet dhe sharjet ndaj personave LGBTQ janë më të shumta në mediat sociale
Isa Myzyraj
Posted On 14/07/2022
Platformat e mediave sociale duke përfshirë Facebook dhe TikTok po dështojnë të ndalojnë urrejtjen dhe kërcënimet kundër përdoruesve LGBTQ, zbuloi një raport i publikuar të mërkurën nga grupi i avokimit GLAAD në Shtetet e Bashkuara.
Përdoruesit LGBTQ thonë se po përballen me gjuhë urrejtje të shtuar, por është e paqartë se si platformat e mediave sociale si Facebook, Instagram, TikTok, Twitter dhe YouTube po i trajtojnë këto kërcënime.
Në vend që të mbrojnë përdoruesit e tyre, thotë GLAAD në raport, kompanitë e teknologjisë po ruajnë informacionin se si reagojnë ndaj këtyre sulmeve, duke zbuluar pak detaje se sa shpesh heqin postimet ose llogaritë që shtyjnë gjuhën e urrejtjes ose ngacmojnë përdoruesit LGBTQ.
“Realiteti është se ka shumë pak transparencë dhe shumë pak përgjegjësi,” tha Jenni Olson, drejtoresha e GLAAD për sigurinë e mediave sociale dhe autore e raportit. “Dhe njerëzit ndihen të pafuqishëm.”
Një banor i Los Anxhelosit, Peter Sapinsky, një muzikant GAY, i cili tha se është përballur me ngacmime në komunitetin e lojërave në internet, ndau me Associated Press pamjet e ekranit të dhjetëra mesazheve që ai ka dërguar në YouTube për përdoruesit dhe videot që përdorin sharje raciste dhe homofobike. YouTube u është përgjigjur vetëm disa prej mesazheve, tha ai.
Sapinsky, 29 vjeç, tha se disa përdorin YouTube për të transmetuar drejtpërdrejt veten duke ngacmuar njerëzit në paradat e Krenarisë. Ai renditi një sërë sharjesh homofobike që ka dëgjuar në videot e postuara nga përdoruesit që janë ende duke operuar në faqe.
“YouTube nuk bën asgjë për këtë,” tha Sapinsky. “Për dikë që thotë se nuk e lejojnë urrejtjen në uebsajt, ata me siguri e lejojnë.”
Gjuha e urrejtjes drejtuar anëtarëve të komunitetit LGBTQ është i ndaluar në platformë, tha zëdhënësi i YouTube, Jack Malon.
“Gjatë viteve të fundit, ne kemi bërë përparim të rëndësishëm në aftësinë tonë për të hequr shpejt përmbajtjen e urrejtjes dhe ngacmuese,” tha Malon. “Kjo punë është në vazhdim”-shtoi ai.
Një zëdhënës i Twitter tha në një deklaratë se kompania po diskutonte gjetjet e raportit me GLAAD. Një deklaratë nga TikTok nuk citoi drejtpërdrejt raportin, por tha se kompania po punon për të krijuar një “mjedis gjithëpërfshirës”.
GLAAD rekomandoi që platformat të fillojnë të publikojnë metodat e trajnimit për moderatorët e përmbajtjes, si dhe numrin e llogarive dhe postimeve që kompanitë heqin për shkelje të rregullave të krijuara për të mbrojtur përdoruesit LGBTQ.
Raporti i GLAAD shqyrton politikat dhe veprimet që Facebook, Instagram, YouTube, TikTok dhe Twitter kanë zbatuar rreth çështjeve LGBTQ.
Të gjitha platformat e mediave sociale kanë përshkruar politika që janë krijuar për të parandaluar ngacmimin, kërcënimin ose diskriminimin e përdoruesve LGBTQ nga përdoruesit e tjerë për shkak të identitetit të tyre./ HistoriaIme
Historiaime.al është një zë i pavarur në mbrojtje të të drejtave të njeriut. Ne raportojmë si për shkeljet e të drejtave të njeriut ashtu edhe për histori njerëzore që i promovojnë këto të drejta. Ky projekt synon të ndryshojë qëndrimet jo fort etike karshi të drejtave të njeriut nga ana e medias kombëtare si ajo e shkruar, ashtu edhe ajo vizive dhe media e re online.