Shqiptarja.com raporton per një ngjarje e pazakontë. Teksa policia shpeshherë është viktimë e plumbave të qytetarëve, sot pasdite ka qenë policia ajo ka qëlluar me armë dhe ka plagosur një shofer furgoni në fshatin Çekrez të Kamzës, Tiranë.
Të paktën këto janë dyshimet e para, që raportohen nga vendngjarja, duke shtuar se janë dëgjuar 4 të shtëna me armë pas një grindjeje te stacioni i furgonave mes disa shoferëve të furgonave dhe disa policëve, ku janë përfshirë mbi 6 vetë.
Ndërkohë që qytetarët raportojnë të shtënat, policia i mohon ato. Në vendngjarje ka mbërritur edhe Shërbimi i Kontrollit të Brendshëm dhe ekspertë kriminalistë, të cilët po hetojnë mbi shkaqet.
Ndërkohë, janë bërë edhe dy shoqërime në polici, ndërsa policia ka bërë kontrollin e banesave të dy të shoqëruarve.
Historiaime.al është një zë i pavarur në mbrojtje të të drejtave të njeriut. Ne raportojmë si për shkeljet e të drejtave të njeriut ashtu edhe për histori njerëzore që i promovojnë këto të drejta. Ky projekt synon të ndryshojë qëndrimet jo fort etike karshi të drejtave të njeriut nga ana e medias kombëtare si ajo e shkruar, ashtu edhe ajo vizive dhe media e re online.