Ndërkohë që pjesa kontinentale e Kinës festonte 70 vjetorit e vendosjes së sundimit të Partisë Komuniste në vend, protestat në Hong Kong u kthyen në të përgjakshme, duke shënuar ditën më të dhunshme dhe kaotike që nga nisja e tyre.
Përplasjet me policinë shkaktuan mbi 100 të plagosur dhe 180 qytetarë të arrestuar. Disa ndërtesa u dogjën nga bombat molotov, ndërsa një protestues 18-vjeçar u qëllua nga ana e forcave të sigurisë.
Shefi i policisë, Stephen Lo, tha se 25 pjesëtarë të policisë u plagosën gjatë përplasjeve.
Prej 4 muajsh protestat po vijojnë kundër përpjekjeve për shtimin e autoritetit të Pekinit zyrtar në vend. Hong Kongu, edhe pse zyrtarisht pjesë e Kinës, funksionon me një sistem krejt të ndryshëm politik, sipas parimit një shtet, dy sisteme.
Mbi 1000 persona janë arrestuar prej kur kanë nisur protestat, ndërkohë që janë shtuar zërat për një ndërhyrje të ndërkombëtarëve për ndërmjetësimin e krizës.
Burimi i fotos:Studio Incendo/Flickr
Trending Now
Historiaime.al është një zë i pavarur në mbrojtje të të drejtave të njeriut. Ne raportojmë si për shkeljet e të drejtave të njeriut ashtu edhe për histori njerëzore që i promovojnë këto të drejta. Ky projekt synon të ndryshojë qëndrimet jo fort etike karshi të drejtave të njeriut nga ana e medias kombëtare si ajo e shkruar, ashtu edhe ajo vizive dhe media e re online.