Papa Françesku kritikoi ligjet që kriminalizojnë marrëdhëniet mes seksit së njëjtë si “të padrejtë”, duke thënë se Zoti i do të gjithë fëmijët e tij ashtu siç janë dhe u bëri thirrje peshkopëve katolikë që mbështesin ligjet që të mirëpresin njerëzit LGBTI+ në kishë.
“Të jesh LGBTI+ nuk është një krim,” -tha Papa Françesku gjatë një interviste të martën me Associated Press.
Papa Françesku pranoi se peshkopët katolikë në disa pjesë të botës mbështesin ligjet që kriminalizojnë marrëdhëniet mess ë njëjtit seks ose diskriminojnë komunitetin LGBTQ dhe ai vetë iu referua çështjes në termat e “mëkatit”. Por ai ia atribuoi qëndrime të tilla prejardhjes kulturore dhe tha se peshkopët në veçanti duhet t’i nënshtrohen një procesi ndryshimi për të njohur dinjitetin e gjithsecilit.
“Këta peshkopë duhet të kenë një proces konvertimi,” -tha ai, duke shtuar se ata duhet të aplikojnë “butësi, ju lutem, siç ka Zoti për secilin prej nesh”.
Rreth 67 vende ose juridiksione në mbarë botën kriminalizojnë aktivitetin seksual të të njëjtit seks, 11 prej të cilave mund ose vendosin dënimin me vdekje, sipas The Human Dignity Trust, i cili punon për t’i dhënë fund ligjeve të tilla. Ekspertët thonë se edhe aty ku ligjet nuk zbatohen, ato kontribuojnë në ngacmimin, stigmatizimin dhe dhunën ndaj personave LGBTQ./ HistoriaIme
Historiaime.al është një zë i pavarur në mbrojtje të të drejtave të njeriut. Ne raportojmë si për shkeljet e të drejtave të njeriut ashtu edhe për histori njerëzore që i promovojnë këto të drejta. Ky projekt synon të ndryshojë qëndrimet jo fort etike karshi të drejtave të njeriut nga ana e medias kombëtare si ajo e shkruar, ashtu edhe ajo vizive dhe media e re online.