Liria e shtypit në Hungari merr një tjetër goditje!

Radios së parë të pavarur të Hungarisë, Klubrádió, do t’i ndërpritet sinjali të Dielën në mesnatë pasi një gjykatë mbështeti një vendim nga autoritetet e medias për të mos zgjatur licencën e saj të transmetimit.

Lajmi shënon një tjetër pengesë për mediat e pavarura në vend, e cila ka qenë nën presion që nga kthimi i Kryeministrit Viktor Orban në pushtet në 2010.

 Presidenti i Klubrádió Andras Arato bëri njoftimin të Martën, duke thënë se autoritetet kishin shkelit ligjin. 

 Stacioni komercial me prirje liberale ishte një nga zërat e vetëm të radios së opozitës në Hungari.

Arato denoncoi vendimin e së martës si “një vendim të turpshëm”, i cili ngre shqetësime të reja rreth lirisë së shtypit në këtë vend të Bashkimit Evropian.

 Ai i tha për Euronews se kishte në plan të apelonte në gjykatën më të lartë të Hungarisë, Curia, duke premtuar se media e tij do të vazhdonte në internet dhe se dëgjuesit ishin “të etur”.

 “Ne nuk do të heshtim dhe nëse ata gjithashtu duan të na mbështesin, ne do të përpiqemi të bëjmë pak sa të mund të jetojmë në një botë më të mirë,” tha ai.

 Pse nuk u rinovua pretendimi i Klubrádió për frekuencën?

 Këshilli i mediave i Hungarisë (NMHH), i kontrolluar nga partia qeverisëse Fidesz, në shtator citoi shkeljet e pretenduara të ligjit të medias të vendit për vendimin për të mos rinovuar licencën e Klubrádió me 14 shkurt dhe për të vendosur frekuencën në shitje.

Këshilli, i ngritur në 2011 nën patronazhin e Presidentit Viktor Orbán, tha se stacioni kishte dorëzuar dokumente administrative me vonesë.

Udhëheqësit e radios thanë se edhe mediat e tjera pro qeveritre kishin kryer të njëjtat shkelje.

 Këshilli i medias tha se Klubrádió mund të aplikonte për frekuencën, e cila i shërben kryeqytetit, Budapestit dhe rrethinat e tij.

 Klubrádió pretendoi se autoriteti po përpiqej qëllimisht ta devijonte tenderin në një rrugë pa krye ligjore.

 Javën e kaluar, Instituti Ndërkombëtar i Shtypit, një organizatë e lirisë së shtypit me qendër në Vjenë, Austri, u bashkua me pesë organizata të tjera evropiane të shtypit në akuzimin e partisë Fidesz për përpjekjen për të censuruat Klubradio.

 Arato argumentoi gjithashtu që këshilli, një organ me pesë anëtarë i caktuar nga parlamenti i Hungarisë, nuk mund të konsiderohet një rregullator i pavarur pasi të gjithë anëtarët e tij aktualë u emëruan me mandate nëntë vjeçar nga partia në pushtet Fidesz.

 Por NMHH tha për Associated Press në një email se “në të gjitha rastet, (organi) vepron në përputhje me ligjet dhe rregulloret aktuale”.

 “Autoriteti nuk vepron mbi baza politike por profesionale dhe i hedh poshtë pretendimet e tilla”, shkruajti ai.

 Këshilli i medias citoi dështimin e Klubradio për të siguruar të dhëna të mjaftueshme mujore mbi transmetimet e tij rregullatorit të medias dy herë në 2017, një shkelje e ligjit të Hungarisë për mediat, i cili tha se nuk lejon transmetuesit të marrin në konsideratë për një zgjatje automatike të licencave të tyre të frekuencës.

Në një deklaratë javën e kaluar, Shoqata Kombëtare e Gazetarëve Hungarezë e quajti Klubradio “i vetmi transmetues i shërbimit publik të mbetur në Hungari, përmbajtja e të cilit nuk është nën ndikimin e qeverisë”.

 “Hegjemonia e transmetuesve pro-qeveritarë do të rritet në 100% me heshtjen e Klubradio, e cila do të ishte plotësisht e pashembullt në Evropë,” shtoi grupi.

 Studiuesja e vjetër e Human Rights Watch, Lydia Gall, në shtator i quajti vendimet përreth Klubrádió “më të fundit në një varg të gjatë shembujsh të përpjekjeve të qeverisë hungareze për të kontrolluar shtypin e pavarur dhe për të marrë kontrollin e peizazhit mediatik”.

 Deputeti gjerman Daniel Freund, i cili bashkë-negocioi mekanizmin e sundimit të ligjit për të Gjelbrit në Parlamentin Evropian, tha: “Kjo është fitorja e radhës për Viktor Orban në kryqëzatën e tij kundër mediave të pavarura në Hungari … Veprimet e Viktor Orban në Hungari janë  duke rrezikuar demokracinë në të gjithë Evropën.

 “Ne nuk mund të vazhdojmë të qëndrojmë duarkryq ndërsa një sistem autoritar është ndërtuar në Hungari.”

 Hungaria aktualisht renditet e 89-ta nga 180 vende në indeksin e lirisë së shtypit të Reporterëve pa Kufij (RSF).  Ishte e 23-ta kur Orban u kthye në pushtet në 2010, që shënon rënien më dramatike në Europë./ HistoriaIme