Kush e ndjek Saliun? Pyet Blushi… (VIDEO)

Ben Blushi, duke vazhduar kritikat që ka nisur ndaj qeverisë u është përgjigjur sot pjesëtarëve të maxhorancës që e akuzojnë se po flet si Saliu (Sali Berisha). Tha Blushi:

“Saliu është një fantazëm që disa i ndjek, ndërsa disa të tjerë e ndjekin.

Mua as më ndjek dhe as e ndjek por pyetja është kush e ndjek Saliun?

Ata që thonë se papunësia është rritur në Shqipëri në dy vitet e fundit apo ata që kanë në dorë ta ulin papunësinë dhe spo e bëjnë si u premtua me 300 mijë vende pune?

Kush e ndjek Saliun?

Ata që thonë se shqiptarët e varfër marrin sot më pak ndihmë nga shteti apo ata që kanë në dorë ta rrisin ndihmën ekonomike për  100 mijë familje të varfra që jetojnë me 2 mijë lekë në ditë?

Kush e ndjek fantazmën e Saliut?

Ata që thonë se cmimi energjisë është rritur përtej mundësive të familjeve për  ta paguar apo ata që kanë në dorë ta ulin dhe nuk po e bëjnë duke e blerë energjinë nga jashtë më shtrenjtë dhe duke shitur energjinë tonë më lirë për  tregjet e huaja?

Kush e ndjek Saliun?”

Shikoni më poshtë fjalimin e plotë:

http://https://www.youtube.com/watch?v=4d2aufgqwzI