BOGOTA, KOLUMBIA —Kolumbia u bë vendi i fundit në Amerikën Latine që zgjeroi aksesin ndaj abortit të hënën pasi Gjykata Kushtetuese e vendit votoi për legalizimin e procedurës deri në javën e 24-të të shtatzënisë.
Vendimi i gjykatës prej nëntë gjyqtarësh ishte më pak se pritshmëritë e grupeve pro-zgjedhjes që kishin kërkuar që aborti të dekriminalizohej plotësisht në Kolumbi. Por megjithatë u përshkrua si një ngjarje historike nga grupet e të drejtave të grave, të cilat vlerësojnë se 400,000 gra kryejnë abort klandestin në vend çdo vit.
Përpara vendimit, Kolumbia lejoi abortet vetëm kur jeta e një gruaje ishte në rrezik, një fetus kishte keqformime ose një shtatzëni si rezultat i përdhunimit.
Tani gratë në Kolumbi do të mund të abortojnë deri në javën e 24-të të shtatzënisë pa pasur nevojë të japin ndonjë justifikim. Pas javës së 24-të të shtatzënisë, aborti do të jetë ende i kufizuar për gratë, shëndeti i të cilave është në rrezik.
Në vendet e Amerikës Latine, Argjentina, Uruguai dhe Kuba gjithashtu lejojnë abortet pa kufizime deri në faza të caktuara të shtatzënisë.
Amerika Latine është gjithashtu një rajon ku disa vende ndalojnë ndërprerjen e shtatzënisë pa përjashtim, duke përfshirë El Salvadorin, Nikaraguan, Hondurasin dhe Republikën Domenikane./ HistoriaIme- Voa
Historiaime.al është një zë i pavarur në mbrojtje të të drejtave të njeriut. Ne raportojmë si për shkeljet e të drejtave të njeriut ashtu edhe për histori njerëzore që i promovojnë këto të drejta. Ky projekt synon të ndryshojë qëndrimet jo fort etike karshi të drejtave të njeriut nga ana e medias kombëtare si ajo e shkruar, ashtu edhe ajo vizive dhe media e re online.