Stereotipi i përhapur se biseksualiteti është një emërtim ekskluziv dhe kufizues, është diçka që aktivistët e këtij komuniteti e kanë luftuar për dekada.
Nga Anxhela Kokoshi
Në prill, u shtua një përkufizim më gjithëpërfshirës i ‘biseksualitetit”: që lidhet ose karakterizohet nga tërheqja seksuale ose romantike ndaj njerëzve të identiteteve gjinore të njëjta dhe të ndryshme.
Kur Martin Rawlings-Fein, 43 vjeç, mendoi për herë të parë se mund të ishte biseksual në vitet 1990, ai e pa këtë emërtim si kufizues. Vetëm kur ai takoi dy njerëz të cilët gjithashtu identifikohen si transgjinorë ose jo binarë, kuptoi se ky perceptim ishte diçka që duhej ta rimendonte. Rawlings-Fein, një burrë trans, tha se në atë kohë njerëzit ishin “me të vërtetë të hutuar” sesi një person transgjinor mund të jetë çdo gjë tjetër përveç se heteroseksual dhe se një person biseksual mund të jetë çdo gjë tjetër përveç cisgender. “Në fillim nuk më interesonte por më pas fillova t’i shikoja të gjithë ata njerëz që ishin bi në atë kohë, dhe shumë prej tyre ishin trans ose genderqueer” tha Rawlings-Fein, ish-organizatorja kryesore për Rrjetin Biseksual+ dhe Panseksual të Bay Area, për NBC News. “Fillova të shikoja të gjithë ata njerëz që ishin bi në atë kohë. Unë thashë: “Uau, kjo është diçka që duhet ta rimendoj dhe ta riformuloj”.
Dekada pasi u shfaq si biseksual, Rawlings-Fein tha se ai dhe avokatët e tjerë ende përballen me keqkuptimin se termi biseksual do të thotë se tërheqja e tyre është e kufizuar në binarin gjinor gjë që do të thotë se ata që identifikohen ekskluzivisht si meshkuj apo femra. Mes Javës së Dukshmërisë Biseksuale të këtij viti, e cila kulmon me Ditën e Dukshmërisë Bi më 23 shtator, aktivistët dhe personat e identifikuar si biseksual i thanë NBC News se ky është një stereotip i përhapur, pavarësisht dokumenteve të publikuara që datojnë në vitet 1990 që sqarojnë kuptimin e gjerë të termit.
Përtej tërheqjes ndaj ‘burrave dhe grave’ Përdorimi i parë i njohur i fjalës “biseksual” ishte në vitin 1793, megjithëse në atë kohë nënkuptonte “zotërimin e personazheve të të dy gjinive”. Përkufizimi ka ndryshuar dhe zgjeruar shumë herë gjatë shekujve, duke përfshirë dhe këtë vit. Mbrojtësi i biseksualëve, Robyn Ochs, 61 vjeç, tha se rastësisht vuri re se Merriam-Webster ndryshoi përkufizimin e saj për “biseksual” gjatë një kërkimi të fundit në Google. Pasi kompania 200-vjeçare e fjalorit e quajti përemrin jobinar “ata” fjalën e vitit 2019, Ochs tha se ajo shkroi një letër në bashkëpunim me organizatën e mbrojtjes së medias LGBTQ GLAAD duke kërkuar një përditësim të fjalës “biseksual”, sepse përkufizimi i zgjeruar krijoi “një kontradiktë në përkufizimin binar të biseksualitetit”./ HistoriaIme
Historiaime.al është një zë i pavarur në mbrojtje të të drejtave të njeriut. Ne raportojmë si për shkeljet e të drejtave të njeriut ashtu edhe për histori njerëzore që i promovojnë këto të drejta. Ky projekt synon të ndryshojë qëndrimet jo fort etike karshi të drejtave të njeriut nga ana e medias kombëtare si ajo e shkruar, ashtu edhe ajo vizive dhe media e re online.