Dorëzohen dy vëllezërit Aliko. Fshiheshin në Kardhiq

Kristi Pinderi Posted On 27/06/2015

Dy vëllezërit Arbion dhe Alban Aliko janë dorëzuar pas katër ditë ndjekesh nga ana e forcave speciale të RENEA-s.

Ata janë rrethuar në fshatin Kardhiq nga ana e forcave të policisë. Gazetari i ABC News Flamur Vezaj njoftoi në një lidhje direkte se policia ka mundur të lokalizojë vendodhjen e dy vëllezërve duke i gjurmuar përmes valëve të telefonave. Pasi u gjendën në rrethim babai dhe nëna e dy vëllezërve i kanë bindur ata të vetdorëzohen pasi u siguruan se policia nuk do t’i qëllonte.

Ata akuzohen si përgjegjës për vrasjen e efektivit të RENEA-s, Ibrahim Basha dhe plagosjen e dy të tjerëve.

Sipas prokurorisë, dy vëllezërit Aliko janë përgatitur prej gjashtë muajsh për sulmin dhe synonin që të rikthenin “Republikën e hashashit” në Lazarat.

- Advertisement -

Author

Kristi Pinderi

Mbrojtës i palodhur për të drejtat e LGBT+ është bashkëthemelues i ProLGBT dhe I Aleancës Kundër Diskriminimit, të dyja organizatat kryesore për mbrojtjen e personave LGBT+ në Shqipëri. Në dhjetor të 2014 ai ishte ndër themeluesit e STREHA, shelterit të parë për personat LGBT+ në të gjithë Europën Juglindore. Kristi ka kryer studimetbachelor për Histori dhe Arkeologji në Universitetin e Tiranës dhe ka kryer edhe një sezon kërkimor në fushën e komunikimit të trashëgimisë kulturore në Universitetin e Bolonjës. Karrierën e ka filluar në vitin 2000 si gazetar dhe ka një përvojë të gjate në gazetari, duke qenë se ka punuar si gazetar dhe drejtues për media të rëndësishme si Kult, ATSH, Mapo, Shekulli, etj. Ka qenë gjithashtu Drejtor i Komunikimit të Lëvizjes MJAFT! dhe ka qenë I përfshirë në draftimin dhe implementimin e shumë fushatave mediatike kombëtare dhe ndërkombëtare mediatike, sidomos në lidhje me të drejtat e njeriut. Nga viti 2017 jeton me partnerin e tij në Kanada ku punon për organizatën Community Builders Group, në një projekt pilot strehimi për personat vulnerabël ne Vankuver. Ai vazhdon të angazhohet në aktivizëm për të drejtat e LGBT+ në Kanada ku kontribuon me shkrime per Daily Xtra ndërsa ndjek me vëmendje ecurinë e lëvizjes në Shqipëri, ku është anëtar i Bordit të Drejtorëve të Pro LGBT.