Bota bën thirrje për të hetuar krimet e luftës në Ukrainë!

Prej datës 24 shkurt të këtij viti Rusia me urdhër të Presidentit Vladimir Putin ka nisur pushtimin e Ukrainës, në atë që vetë Moska e quan “operacion special” ndërsa pjesa tjetër e botës, luftë!

Pamjet që kanë ardhur nga Ukraina janë tmerruese, ndërsa shumë zyrtarë dhe liderë botërorë po thonë se Rusia po kryen krime lufte në Ukrainë.

Anëtarët e Këshillit të Sigurimit të Kombeve të Bashkuara duhet të përdorin një takim jozyrtar mbi përgjegjësinë për krimet e rënda në Ukrainë për të theksuar rëndësinë e drejtësisë së paanshme dhe të koordinimit të një game të gjerë përpjekjesh ndërkombëtare për llogaridhënie, tha Human Rights Ëatch.

Forcat ruse Ata kanë kryer sulme pa dallim që kanë goditur ndërtesat e banimit, si dhe shkollat ​​dhe spitalet në të gjithë Ukrainën, duke lënë një gjurmë vdekjesh dhe shkatërrimi. Në zonat që ata kanë pushtuar, forcat ruse kanë kryer krime të dukshme lufte, duke përfshirë ekzekutime të shkurtra, tortura dhe përdhunime, vijoj më tej një deklaratë e HRË.

“Me numrin e vdekjeve në rritje në Ukrainë dhe raportet e shpeshta për krime të reja lufte, komuniteti ndërkombëtar ka një përgjegjësi urgjente për t’u dërguar një mesazh të qartë atyre që do të kryenin krime lufte që masakrat e pavullnetshme një ditë mund të çojnë në një qeli burgu,” tha Ida. Saëyer, drejtor i krizës dhe konflikteve në Human Rights Ëatch. “Qeveritë, organizatat ndërkombëtare dhe shoqëria civile duhet të bashkëpunojnë për të siguruar drejtësi efektive dhe të paanshme për mizoritë që po kryhen në Ukrainë.”

Sekretari i Përgjithshëm i Kombeve të Bashkuara, Antonio Guterres, i tha ministrit të Jashtëm rus, Sergei Lavrov, se ai është i shqetësuar lidhur me raportimet për krime të supozuara lufte në Ukrainë, duke shtuar se kërkohen hetime të pavarura për këto pretendime.

Guterres, që po qëndron në vizitë në Moskë tha se Kombet e Bashkuara janë të gatshme që të mobilizojnë burimet e këtij institucioni për të shpëtuar jetë dhe për të evakuuar qytetarë nga qyteti i rrethuar ukrainas i Mariupolit.

“Ne urgjentisht kemi nevojë për korridore humanitare që vërtetë janë të sigurta dhe efektive”, tha Guterres në një konferencë të përbashkët për media me Lavrovin.

Kombet e Bashkuara thanë se veprimet ruse në Ukrainë, që kanë përfshirë ekzekutim të civilëve, po shtojnë krimet e luftës.

“Forcat e armatosura ruse po granatojnë dhe bombardojnë zonat e populluara, pa dallim, duke vrarë civilë dhe shkatërruar spital, shkolla dhe infrastrukturë tjetër civile, veprime që mund të përbëjnë krime të luftës”, tha Ravina Shamdasani, zëdhënëse e Zyrës së Komisionarit të Lartë për të Drejta të Njeriut (UNHCR).

Në qytetin e Buçës, afër Kievit, misioni i UNHCR-së ka dokumentuar se janë vrarë mbi 50 civilë, tha Shamdasani.

Varreza masive dhe qindra civilë të vrarë janë zbuluar në Buça dhe në qytete e tjera përreth Kievit, pasi forcat ruse janë tërhequr nga ajo zonë tri javë më parë.

Ato që kanë tronditur botën në mënyrë të veçantë, kanë qenë imazhet nga Buça, qytet në zonën e Kievit. Pas tërheqjes së forcave ruse atje, në fillim të këtij muaji, në qytet janë gjetur trupa të pajetë e varre masive.

Ukraina ka fajësuar forcat ruse për qindra vrasjet ndërsa Rusia ka mohuar çdo përgjegjësi.

Presidenti i Shteteve të Bashkuara Biden ka thënë se ka prova të fuqishme për mizoritë e kryera nga trupat ruse dhe ka bërë thirrje për gjykimin e Putinit.

“Ai është kriminel lufte. Duhet t’i mbledhim informacionet. Duhet të vazhdojmë t’i ofrojmë Ukrainës armët që i nevojiten për të vazhduar luftën. Duhet t’i sigurojmë të gjitha detajet që të kemi një gjykim për krime të luftës. Ky njeri është brutal. Ajo që ka ndodhur në Buça është mizore”, ka thënë Biden.

Më herët Gjykata Ndërkombëtare e Drejtësisë në një vendim të sajin ka urdhëruar ndaljen e menjëhershme të luftës, gjë e cila deri më tani nuk është pranuar nga Rusia!/ HistoriaIme