Një në tre persona në Republikën Çeke, midis 16 dhe 26 vjeç, ka përjetuar akte dhune në një marrëdhënie.
Dhuna intime partnere nuk është vetëm një problem në shfaqet në martesë apo në marrëdhëniet afatgjata. Të rinjtë dhe të rejat, gjithnjë e më shumë e gjëjnë veten viktima të dhunës; abuzimit fizik dhe psikologjik.
Lloji më i shpeshtë i dhunës është psikologjik. Rreth 41% e të rinjve, kanë përjetuar këtë lloj dhune në një marrëdhënie. Kjo përfshin, xhelozinë ekstreme, akuzat e jobesnikërisë dhe kontrollin e tepërt.
Një e treta e të gjitha viktimave, përjetuan dhunë kibernetike, sipas hulumtimeve të fundit nga Mind Bridge Consulting dhe organizatat feministe. Shfrytëzimi i “telefonave të mençur” dhe rrjeteve sociale për kontrollin e një partneri janë gjithashtu të shpeshta.
Falë aplikacioneve të ndryshme të GPS-ve, abuzzuesit mund të ndjekin lëvizjen e partnerit të tyre, ose të ndjekin kur ai/ajo ka kontrolluar për herë të fundit rrjetet sociale.
“Ne kemi kuptuar se kryesisht gratë janë viktima në këto raste. Burrat thjesht mendojnë se kanë të drejtë të lexojnë ose shikojnë mesazhet e partnereve të tyre”, thotë Ladislav Klika, nga Mind Bridge Consulting.
Vetëm një numër shumë i vogël, i viktimave paraqesin ankesë ose kërkon një ndihmë profesionale
“Fillimisht, i dashuri im më priti para shkollës kur sapo ishim pajtuar, pastaj filloi të vinte çdo ditë. Së fundi, ai priti për mua brenda ndërtesës së dhomës së zhveshjeve. Kur ai u zhvendos në një qytet tjetër për të studiuar, unë duhej ta informoja atë çdo ditë për planet e mia. Më vonë, më duhej ta telefonoja çdo gjysmë ore, pavarësisht se ku isha, si në shkollë a në kinema “, thotë Klara, viktimë e abuzimit psikologjik.
Sulmet fizike dhe dhuna seksuale u përjetuan nga 19% e të gjitha viktimave. Më të zakonshmit janë, goditjet në fytyrë ose tërheqja nga flokët. Ka akte ekstreme të dhunës, si për shembull djegia e lëkurës së partnerit.
Viktimat e marrëdhënieve të dhunshme, gjejnë shpëtim mes vështirësish dhe shumë arrijnë që të largohen prej tyre vetëm falë mbështetjes së miqve. “Jam ndarë disa herë me të, por më ka kërcënuar me vetëvrasje dhe më ka thënë se do të ishte faji im. Ai u ndal vetëm pasi policia u përfshi “, tha Klara.
Sipas hulumtimit të “proFem” një numër shumë i vogël i viktimave paraqesin ankesë ose kërkojnë ndihmë profesionale. Shumica e tyre, i japin fund lidhjes së dhunshme, por përballen me pasojat në të ardhmen. Këto shfaqen si çrregullime në të ngrënë, probleme me fokusimin dhe përqendrimin, dhe tendenca vetëvrasëse.
“Pas ndarjes kam jetuar në frikë të vazhdueshme se ish i dashuri im do të priste diku që të më gjente. Kam pasur probleme në krijimin e marrëdhënieve të reja, dhe notat e mia u përkeqësuan ndjeshëm. Së fundi, kam vizituar një psikolog dhe tani po ndihem më mirë. Dëshiroj të frymëzoj të rinjtë që po përballen me të njëjtat probleme si unë para disa vitesh. Tani e di që duhet të kisha kërkuar ndihmë shumë më herët “, përfundon Klara. /l.k/
Referencë: NewsMavens
Historiaime.al është një zë i pavarur në mbrojtje të të drejtave të njeriut. Ne raportojmë si për shkeljet e të drejtave të njeriut ashtu edhe për histori njerëzore që i promovojnë këto të drejta. Ky projekt synon të ndryshojë qëndrimet jo fort etike karshi të drejtave të njeriut nga ana e medias kombëtare si ajo e shkruar, ashtu edhe ajo vizive dhe media e re online.