Politikanet në Francë deklarojnë se nuk do ta tolerojnë më ngacmimin seksual

Shtatëmbëdhjetë gratë, të gjithë ministre aktuale ose të kaluara në Francë, kanë nënshkruar një deklaratë që dënon ngacmimin seksual në politikë. Nënshkrueset – të cilat përfshijnë Christine Lagarde, kreun e Fondit Monetar Ndërkombëtar – detajuan raste të seksizmit që ato kanë përjetuar duke punuar në qeveri dhe bënë thirrje për një ashpërsim të ligjit kundër ngacmimit seksual që do të përfshijë krijimin e posteve të specializuara brenda stacioneve policore që të merren me pretendimet e ngacmimit.

“Ata ndjehen sikur kanë të drejtë të qeshin dhe të bëjnë gjeste të padëshirueshme si të gjuajnë një grua në prapanicë,” tha një nga nënshkrueset, Ministre e të Drejtave të Grave Yvette Roudy. “Është koha që gratë të flasin për këtë dhe ta bëjnë të ditur se ato nuk po komplimentohen, por po trajtohen si kurva.”

Të hënën e kaluar, zëvendës kryetari francez i Asamblesë Kombëtare, Denis Baupin, dha dorëheqjen pasi u akuzua nga ish-kolegët e Partisë së Gjelbër se kishte prekur një anëtare femër të Partisë së Gjelbër dhe u dërgonte mesazhe të hollësishme të tjerave./A.A.

/nytlive.nytimes.com